Ендрју Стентон

Ендрју Стентон (англиски: Andrew Stanton) е американски режисер, сценарист и актер роден на 3 декември 1965 во Рокпорт, Масачусетс. Тој стана познат низ светот по неговите придонеси за компанијата Пиксар, и по неговите славни анимирани филмови Барајќи го Немо (2004) и Воли (2008). Тој се приклучи на тимот на Пиксар во 1990, и беше вториот аниматор (по Џон Лестер) вработен во тимот на Пиксар. Стентон дипломираше во 1987 година, на Калифорнискиот Иститут за Уметности (CalArts).

Заедно со Џо Ранфт, Џон Лестер и Петер Доктер, Стентон помогна во развивањето на приказната за првиот долгометражен филм развиен од Пиксар - Приказна за играчките. Подоцна тој беше ко-режисер на вториот анимиран филм на Пиксар - Животот на инсектите, и сценарист на филмовите Приказна за играчките 2 и Чудовишта. Подоцна го режираше најуспешниот анимиран филм на Пиксар, и вториот најуспешен анимиран филм во светот (по Шрек 2) Барајќи го Немо. За овој филм, тој доби Оскар за Најдобар анимиран филм и многу други значајни награди. Во 2008 тој го издаде филмот Воли, кој наиде на многу позитивни критики од критичарите.