Белокрила рибарка

Од Википедија, слободната енциклопедија
Прејди на: содржини, барај
Белокрила рибарка
Заштитен статус
Научна класификација
Царство: Животни
Колено: Хордови
Класа: Птици
Ред: Бекасови
Фамилија: Рибарки
Род: Chlidonias
Вид: Белокрила рибарка
Биномен назив
Chlidonias leucopterus
(Temminck, 1815)

Белокрилата рибарка, (или белокрила црна рибарка) (науч. Chlidonias leucopterus) е мала рибарка која често се среќава близу слaтки води низ цела југоисточна Европа и на исток сè до Австралија. Порано ја имало и во Македонија.

Опис[уреди]

Возрасните птици, летно време имаат кратки црвени нозе и краток црн клун (мал и набиен, 22-25 мм, значително помал од главата), црн врат (често светло сив одзади) и стомак, многу темно сив грб, бело под опашката и светло сива, речиси бела опашка. Лицето делува жолтеникаво. Крилјата, како што кажува името, се претежно бели. Внатрешноста на крилјата се сивкави со кафеави врвови на покривните пердуви. Вон сезоната на парење, црното е заменето со бело или светло сиво, иако некои црнкави пердуви може да останат измешани со белите долни делови. Доста црно останува на покривните пердуви одоздола. Главата е црна со бело чело. Круната е црнкавокафеава прошарана со бело, а подолу кај вратот е црнкава со повеќе бело. Овие бели прошарувања се кај возрасните со зимско перје. Тогаш имаат и триаголна црна дамка пред окото. Кај младенчињата и птиците што се митарат под опашката е светло сиво кое станува сосема сиво подоцна во годината. Јасно белата јака и задница ја изолираат темната мантија.

Хибридизација со црната рибарка[уреди]

Хибридизацијата на овој вид со црната рибарка е забележано во Шведска [2] и Норвешка.[3] Две малденчиња во Англија, во септември 1978 и септември 1981, исто така, се верува дека биле хибридни форми зашто покажувале измешани карактеристики од двата вида, особено комбинацијата на темна мантија (како кај белокрилата) со темни дамки на страните од градите (карактериситика на црната).[4][5]

Распространетост и живеалиште[уреди]

Живеалиштето при размножување на белокрилата рибарка се слатководните бари низ југоисточна Европа до централна Азија. Тие обично гнездат на пловечки растенија во самата вода или на земја многу блиску до водата, каде несат 2-4 јајца во гнездото изградено од мали трски или друга вегетација. Тие се птици преселници кои зимуваат во Африка, јужна Азија и Австралија. Понекогаш заскитуваат во Северна Америка, претежно на атлантскиот брег, но забелеажни се и на пацифичкиот брег, како и во копното во областа крај Големите Езера.

Во Уганда


Однесување[уреди]

Како другите барски рибарки, (Chlidonias), и за разлика од белите (Sterna) рибарки, овие птици не нуркаат во лов на риба, туку летаат полека над водата и собираат инсекти од површината или ги ловат во лет. Претежно се хранат со инсекти и мали риби. Во лет, овие птици изгледаат подебело. Замавнувањето со крилјата им е плитко и лежерно.

Договорот за заштита на африканско-евроазиските водни птици преселници се однесува и на белокрилата рибарка.


Наводи[уреди]

  1. BirdLife International (2012). Chlidonias leucopterus. „Црвен список на загрозени видвови на МСЗП, верзија 2012.1“. Меѓународен сојуз за заштита на природата. http://www.iucnredlist.org/apps/redlist/details/106003291. конс. 16 јули 2012.  (англиски)
  2. (шведски) Alexandersson, H. (1979) En hybridisering mellan vitvingad tärna Childonias leucopterus och svarttärna Childonias niger på Öland 1978 Calidris 8: 151-53
  3. (холандски) Van IJzendoorn, E. J. (1980) Broedgeval van Zwarte Childonias niger × Witvleugelstern C. leucopterus Dutch Birding 2: 62-65
  4. Vinicombe, Keith (1980) Tern showing mixed characters of Black Tern and White-winged Black Tern British Birds 73(5): 223-25
  5. Davis, A. H. (1980) Tern showing mixed characters of Black and White-winged Black Tern British Birds 75(12): 579-80

Надворешни врски[уреди]