Александар I

Александар I Филхелен (498год п.н.е-454 год п.н.е) е седмиот македонски крал по ред од лозата Аргеади кој дошол на власт во 498 година п.н.е наседувајки го неговиот татко Аминта I. Александар I на власт дошол во едно сложено и тешко време кога се одвивал настанот на векот односно судирот помеѓу хеленските градови и моќната Персија во историјата познат како Грчко-Персиски војни. Александар I е еден од најзначајните македонски кралеви бидејки во негово време Македонија се зацврстува како држава користејки го грчко-персискиот судир и се издигнува како еден значаен фактор во регионот. Александар бил свесен за подемот и издигнувањето на неговата држава па затоа сакал Македонија да излезе на меѓународна сцена. Македонија во негово време се протегала на исток до реката Стримон на југ до планината Олимп. Целта на Александар била превземање на главната улога во меѓународните односи во Егејското море. Оваа цел односно промоција на кралството тој сметал дека е можна само преку учество на Олмписките игри каде учествува и го добива прекарот Филхелен(љубител на Хелените).

Грчко-персиски војни

Сите податоци за владеењето на Александар I се поврзани со неговото учество во Грчко-Персиските војни,Македонија се нашла на средината на овој судир па колку и да сакал Александар неможел да остане настрана од овој настан на векот како што го нарекува Херодот. Македонија се наоѓала на патот од Босфорот до Хелада па секој поход на самите Персијци морал да минува низ Македонија. Александар бил поврзан со Персијците преку залогот што лично тој им го дал уште за време на владеењето на неговиот татко Аминта I а со Хелените одржувал добри трговски врски бидејки Македонија во тоа време е најзначајниот извор за снабдување на дрво, кој бил од суштинска важност за Хелените бидејки најголем дел од хеленската флота била изградена од македонско дрво. Со доаѓањето на власт на Ксеркс (486 год.п.н.е) Персија превзела поголеми дејствија против Хелените.

Кралеви на Античка Македонија