Јоргос Папандреу (помладиот)

Јоргос Папандреу Γεώργιος A. Παπανδρέου Пратеник
182-от Премиер на Грција
Во служба
Стапил 6 октомври 2009
Претседател	Карлос Папуљас
Заменик	Теодорос Пангалос
Претходник	Костас Караманлис
Лидер на опозиција
Во служба 10 март 2004 – 6 октомври 2009
Претходник	Костас Караманлис
Наследник	Костас Караманлис
Претседател на ПАСОК
Во служба
Стапил 8 февруари 2004
Претходник	Костас Симитис
Претседател на Социјалистичка Интернационала
Во служба
Стапил 30 јануари 2006
Претходник	Антионио Гутерес
Министер за надворешни работи
Во служба 7 октомври 2009 – 7 септември 2010
Претходник	Дора Бакојани
Наследник	Димитрис Друцас
Во служба 18 февруари 1999 – 13 февруари 2004
Претходник	Теодорос Пангалос
Наследник	Тасос Јаницис
Министер за образование и верски работи
Во служба 8 јули 1994 – 25 септември 1996
Претходник	Димитрос Фатурос
Наследник	Герасимос Арсенис
Во служба 22 јуни 1988 – 2 јули 1989
Претходник	Апостолос Какламанис
Наследник	Василиос Контогијапопулос
Член на Грчкиот парламент
Во служба
Стапил 1981
Роден(а)	16 јуни 1952 (1952-06-16) Сент Пол, Минесота САД
Националност	Грк
Партија	ПАСОК
Сопружник	Ада Папапану
Деца	Андреас(роден 1982) Маргарита-Елена(родена 1990)
Алма матер	Колеџ Амхарет Стокхолмски универзитет Лондонско училиште за економија Харвардски универзитет
Професија	Социолог
Вероисповед	Грчка Православна црква
Веб-страница	www.papandreou.gr Panhellenic Socialist Movement Socialist International

Јоргос Папандреу (грчки: Γεώργιος Α. Παπανδρέου, [ʝeoɾʝios papanðɾeu], роден на 16 јуни 1952), е грчки политичар и поранешен премиер на Грција. Неговото семејство потекнува од долгогодишна политичка династија која е присутна во поновата историја на Грција.

Почеток на политичката кариера

Во текот на 1939 година, таткото на Папандреу, Андреас Папандреу бил прогонет од Грција како премиер на државата. Тој заминал во САД каде бил роден Јоргос од мајка американка. Тој се образувал во училишта во Илиноис, Шведска и Канада и поседува дипломи од Емерст колеџ, Лондонската школа по економија и Харвардскиот универзитет.

Во Грција се вратил заедно со своето семејство по обновата на демократијата во 1974 година. По доаѓањето во Грција, тој се присоединил кон партијата на својот татко. Во 1981 година Јоргос бил избран за пратеник во Собранието на Република Грција. Претходно, неговиот татко Андреас бил основачот на ПАСОК и бил премиер во два наврата, а пак дедо му по когого добил името, Јоргос, ја вовел Грција во либералните промени.

ПАСОК

Кормилото на ПАСОК го превземал во јануари 2004, по повлекувањето на тогашниот премиер Костас Симитис а на партиските избори и официјално станува водач на партијта. Во изминативе години успеал да ги зацврсти позициите на социјалистите што пак му ја донело позицијата на претседател на социјалистичаката интернационала, светска организација која ги обединува лево ориентираните лидери. Предизборната кампања му се зановала на ветувања за борба против невработеноста и програма за јакнење на банкарскиот систем.Кампања кои многумина ја поистоветија со зборовите на Барак Обама.

Министер

Во текот на 80-тите и 90-тите години, Папандреу извршувал многу важни функции во грчката влада меѓу кои и министер за образование. Круна на неговата кариера бил изборот за шеф на дипломатијата во 1999 година, кога придонел во смирувањето на долгогодишните тензии со соседна Турција.

Тој претходно бил министер за образование и верски работи (1988-1989 и 1994-1996) и министер за надворешни работи од 1999 до 2004 година. По неговиот дедо, Јоргос Папандреу, и неговиот татко Андреас Папандреу, тој е третиот член на семејството Папандреу кој станал премиер на земјата. Папандреу моментално е лидер на грчкото социјалистичко движење (ПАСОК), од 2004 година. Во 2006 година станал претседател на Социјалистичката интернационала. Јоргос Папандреу стана 182-иот Премиер на Грција на 6 октомври 2009 година.

Премиер на Грција

По инаугурацијата, владата на Папандреу открила дека нејзините финансии се во многу лоша состојба, со буџетски дефицит од 12,7% од БДП, четири пати повеќе отколку еврозоната, а јавниот долг на земјата изнесувал 410.000.000.000 $. По оваа официјално соопштение од страна на грчките власти, земјата влегла во голема економска криза, со стапка на невработеност од 10%. Папандреу изготвил серија од мерки за штедење,намалувајќи ги државните плати и пензии од една страна и зголемувајќи ги даноците во земјата од друга, како прва фаза од мерките за штедење.Освен ова, биле воведени дополнителни мерки насочени кон борбата против неконтролираното затајување на данок и намалување на вработените во јавниот сектор. Оваа програма за штедење предизвикала голем број на штрајкови по целата земја во Грција] и истата била критикувана на дел од министрите за финансии од Еврозоната..

Решавањето на долготрајниот спор околу името со Македонија и помагањето за забрзување на кипарските мировни разговори, се само некои од предизвиците на надворешната политика со кои се соочува владата на ПАСОК.