Кумчифтлии

Орестијада Ορεστιάδα
Центарот на градот
Орестијада
Координати: 41°30′N 26°32′E
Земја	Грција
Област	Источна Македонија и Тракија
Округ	Еврос
Површина
• Вкупна	967,5 км2 (373,6 ми2)
Надм. вис.	&1000000000000003500000035 м
Население (2011)
• Вкупно	37,695
• Густина	39/км2 (100/ми2)
Часовен појас	EET (UTC+2)
• Лете (ЛСВ)	EEST (UTC+3)
Пошт. бр.	682 00
Повик. бр.	25520
Рег. таб.	OP

Орестијада или Орестијас (грчки: Ορεστιάδα, Орестиада) е најсеверниот град во Грција. Тој се наоѓа во округот Еврос, во областа Источна Македонија и Тракија, односно во Западна Тракија.

Поранешното име на градот е Нов Орестијас (грчки: Νέα Ὀρεστιάς, Неа Орестиас)

Географија

Орестијада е најоддалечениот грчки град од Атина - речиси 1000 km. Градот е сместен во рамнината на реката Марица, оддалечена на 6 километри од него. Орестијада се наоѓа 19 km јужно од Одрин, 28 km југоисточно од грчко-турско-бугарското тромеѓе, 40 km југоисточно од Свиленград, 91 km североисточно од Дедеагач и 212 km западно од Истанбул.

Историја

Орестијада е релативно нов град, изграден пред помалку од 100 години. Античка Орестијада се наоѓала во денешна Турција, спроти реката од селото Череќој (грч.: Кастаниес). Во античко време, таму имало мала населба која според легендите била основана од Орест, синот на Агамемнон и Клитемнестра. Нова Орестијада била формирана во 1922 година со размената на население помеѓу Турција и Грција и претворањето на реката Марица (грч.: Еврос) на граница помеѓу двете земји. Бидејќи е нов град, Орестијада е хиподамовски изградена. Непосредно до градот поминува европскиот пат E85, а во Орестијада има и железничка станица.