Шифон

Од Википедија — слободната енциклопедија
Прејди на прегледникот Прејди на пребарувањето
Американската актерка Лилијан Гиш во утринска облека од шифон и чипка од 1922 година

Шифон (фра: chiffon што во превод значи штоф или крпа)[1] е лесна и прозрачна ткаенина исткаена од памук, свила или синтетички влакна.[2]

Поранио шифонот се правел исклучиво од свила. Во 1938 г., пронајдена е најлонската верзија на шифон, а во 1958 г. креиран е и полиестерскиот шифон, кој стекна огромна популарност поради неговата издржливост и ниска цена.

Црвен фустан од шифон - креација на Ема Домб

Шифонот најчесто се користи како вечерна облека, претежно како наметка, за да ѝ даде елегантен и лебдечки изглед на тоалетата. Ткаенината се користи и за изработка на женски блузи, панделки, марами и долна облека. Шифонот е тежок за работа поради неговата ретка (со слаба густина) и лизгава текстура. Поради ова, шифонот мора рачно и внимателно да се пере.[3]

Шифонот е лесна ткаенина која може лесно да се отпара, и за да се спречи ова мора да се користат врзани или француски шевови. Шифонот е помазен и посјаен од на него сличната ткаенина Жоржет.

Наводи[уреди | уреди извор]

  1. Hans Wehr Arabic Dictionary. стр. 404.
  2. „Моден речник #2: Дознајте повеќе за материјалите“.
  3. Kadolph, Sara J., ed.: Textiles, 10th edition, Pearson/Prentice-Hall, 2007, ISBN 0-13-118769-4, p. 230.