Прејди на содржината

Црква „Св. Константин и Елена“ - Солун

Координати: 40°37′45″N 22°57′2″E / 40.62917° СГШ; 22.95056° ИГД / 40.62917; 22.95056
Од Википедија — слободната енциклопедија
Свети Константин и Елена
Αγίων Κωνσταντίνου και Ελένης
Поглед на црквата
Карта
40°37′45″N 22°57′2″E / 40.62917° СГШ; 22.95056° ИГД / 40.62917; 22.95056
МестоСолун
ЗемјаЕгејска Македонија, Грција
ВероисповедЦариградска патријаршија
Архитектура
Архит. типкрстокуполен храм
Изградба1974 – 1984
Управа
ЕпархијаСолунска

Свети Константин и Елена (грчки: Αγίων Κωνσταντίνου και Ελένης) — црква во градот Солун, Егејска Македонија. Влегува во состав на Солунската епархија на Цариградската патријаршија.[1][2]

Грците кои се населиле во Солун од Мала Азија ја донеле иконата Богородица Надеж за сите.

Храмот се наоѓа во населбата Хиподром на истоимениот плоштад. Отворена е на 23 септември 1984 г. од митрополитот Пантелејмон II Солунски. Градбата претставува крстокуполен храм.[2]

На местото на црквата имало два претходни храма. Од ракопис во светогорскиот манастир Дионисијат е јасно дека во XVI век тука имало црква; Свети Кирил е маченички убиен пред храмот на Свети Константин во 1566 г. Веројатно е дека црквата работела од крајот на XV век. Храмот е споменат од отецот Жан-Батист Сусје кој живеел во Солун во 1726 – 1733 г. Црквата тогаш се нарекувала само „Св. Константин“ и била парохиски храм. Важен извор е Заедничката кондика на грчката солунска општина во архивите на Солунската митрополија, каде се заведени храмовите и нивниот имот. Таму пишува дека црквата е обновена во 1818 и во 1908 г., и дека храмот отсекогаш бил парохиски. Црквата, обновена во 1818 г. со општински средства, е вториот по ред храм и била типична базилика со карактеристичка камбанарија.[2] Храмот има два параклиса.[3]

Црквата е срушена во 1972 г., а во август 1974 г. во околината се направени ископувања кои дале многу важни откритија. Во подземјето на храмот се откриени ранохристијански гробови, како и една глинена урна со остатоци од пепел и коски. Се смета дека тоа се моштите на новомаченикот Кирил Солунски, изгорен на клада до црквата на 6 јули 1566 г. Потоа започнала изградбата на денешниот храм, која траела 10 години.[3][4]

Внатре се чуваат вредни икони, вклучувајќи ја чудотворната икона на Свети Стилијан.[5] Грците кои се населиле во Солун од Мала Азија ја донеле иконата Богородица Надеж за сите.[6]

Поврзано[уреди | уреди извор]

Наводи[уреди | уреди извор]

  1. „Άγιοι Κωνσταντίνος & Ελένη“. Ιερά Μητρόπολη Θεσσαλονίκης. Архивирано од изворникот на 2022-07-21. Посетено на 21 октомври 2016.
  2. 2,0 2,1 2,2 Τερμεντζόγλου, Γεώργιος Κ (2013). Εγκαίνια νεότερων ναών της Θεσσαλονίκης (1912-2011) (PDF). Θεσσαλονίκη: Αριστοτέλειο Πανεπιστήμιο Θεσσαλονίκης, Θεολογική Σχολή, Τμήμα Ποιμαντικής και Κοινωνικής Θεολογίας. стр. 72.
  3. 3,0 3,1 Τερμεντζόγλου, Γεώργιος Κ (2013). Εγκαίνια νεότερων ναών της Θεσσαλονίκης (1912-2011) (PDF). Θεσσαλονίκη: Αριστοτέλειο Πανεπιστήμιο Θεσσαλονίκης, Θεολογική Σχολή, Τμήμα Ποιμαντικής και Κοινωνικής Θεολογίας. стр. 73.
  4. „Άγιος Κύριλλος ο οσιομάρτυρας από τη θεσσαλονίκη“. Ορθόδοξος Συναξαριστής. Посетено на 30 март 2018.
  5. Τερμεντζόγλου, Γεώργιος Κ (2013). Εγκαίνια νεότερων ναών της Θεσσαλονίκης (1912-2011) (PDF). Θεσσαλονίκη: Αριστοτέλειο Πανεπιστήμιο Θεσσαλονίκης, Θεολογική Σχολή, Τμήμα Ποιμαντικής και Κοινωνικής Θεολογίας. стр. 75.
  6. „Παναγίες της Μικράς Ασίας και της Θράκης“. Ένωση Μικρασιατών Φοιτητών. 16 јули 2014. Посетено на 30 март 2018.

Надворешни врски[уреди | уреди извор]