Црвенонога гулапка

Црвенонога гулапка
Научна класификација
Царство:	Fungi
Колено:	Basidiomycota
Ред:	Agaricomycetes
Класа:	Russulales
Семејство:	Russulaceae
Род:	Russula
Вид:	R.queletii
Биномен назив
	Russula queletii; ; Fr. 1872

Црвенонога гулапка
Научна класификација [ у ]
Царство:	Габи
Оддел:	Столпчести габи
Класа:	Агарикомицети
Ред:	Гулапковидни
Семејство:	Гулапки
Род:	Гулапка
Вид:	Црвенонога гулапка
Научен назив
	Russula queletii; Fr. 1872

Црвенонога гулапка ( латински Russula queletii), е вообичаена, нејадлива, гулапка габа^[1] што расте во групи, претежно во смрекова шума. Јадењето на оваа печурка предизвикува болки во стомакот.

Опис

Шапката кога е млада е конвексно полутопчеста, потоа раширена и подоцна вдлабната со многу мала тапа испакнатина, кожичката е отпрвин влажна, потоа сува, работ е тиично ребрест, прилично е месеста, крута, пурпурно кафеава и вински црвена или виолетово напрскана на средината секогаш потемна. Нараснува од 5 до 9 см во пречник, но може да биде и до 10 см. Дршката е валчеста, на основата малку потесна, најнапред полна, потоа сунѓереста, пурпурно црвена, на самото дно белузлава. Нараснува со висина од 4-8 см и 0,5 до 2 см во дебелина.

Месото е кршливо белузлаво или сивкаво, под кожичката на шапката пурпурно црвеникаво, водесто, вкусот е лут а мирисот е овошен.^[2]

Ливчињата се бели, кршливи, а спорите се крем.

Спорите се овални, односно брадавичести, 8- 10 x 7-9 микрометри, споровиот прашец е жолтокрем по боја.

Хемиски реакции, месото со железен сулфат станува црвеникаво, со фенол кафеаво, а кожичката на шапката со калиев сулфат станува портокалово окер.

Расте на есен особено во смрекова шума.

Слични видови

Russula sardonia ^[2]
Russula torulosa ^[2]

Наводи

↑ Miller Jr., Orson K.; Miller, Hope H. (2006). North American Mushrooms: A Field Guide to Edible and Inedible Fungi. Guilford, CN: FalconGuide. стр. 83. ISBN 978-0-7627-3109-1.
1 2 3 Trudell, Steve; Ammirati, Joe (2009). Mushrooms of the Pacific Northwest. Timber Press Field Guides. Portland, OR: Timber Press. стр. 53. ISBN 978-0-88192-935-5.

Е. Гарнвајднер. Печурки и жаби од Британија и Европа . Колинс. 1994 година.

Надворешни врски

Црвенонога гулапка — Index Fungorum (англиски)Russula queletii in MycoBank.

[Miller2006-1] Miller Jr., Orson K.; Miller, Hope H. (2006). North American Mushrooms: A Field Guide to Edible and Inedible Fungi. Guilford, CN: FalconGuide. стр. 83. ISBN 978-0-7627-3109-1.

[:0-2] 1 2 3 Trudell, Steve; Ammirati, Joe (2009). Mushrooms of the Pacific Northwest. Timber Press Field Guides. Portland, OR: Timber Press. стр. 53. ISBN 978-0-88192-935-5.

[1]

[2]