Тумбенска гробница II
| Μακεδονικός Τάφος Σπηλιάς | |
 Гробниците со информативна табла | |
 | |
| Место | Тумба, Ениџевардарско |
|---|---|
| Област | Егејска Македонија, Грција |
| Координати | 40°56′41″N 22°32′34″E / 40.9446° СГШ; 22.5429° ИГД |
| Вид | гробница |
| Историја | |
| Изграденo | IV век п.н.е. |
| Раздобје | македонско |
| Прогласено за | споменик на културата |
Тумбенска гробница II (грчки: Μακεδονικός Τάφος στη Τούμπα) — древномакедонска гробница од IV век п.н.е. сместена кај селото Тумба, Гуменџиско, Егејска Македонија.[1][2]
Гробницата заедно со соседната Тумбенска гробница I се наоѓа североисточно од селото Тумба, на патот кој ја поврзува нераспознаената античка населба кај Тумба со древниот град Европ. Откриена е од археолозите откако веќе била ограбена. Представлява цистова гробница от IV век п.н.е., веројатно на член на хетајрите („Кралски другари“) — благородничката коњица која го придружувала кралот. Гробницата е изѕидана со рамномерно големи камења и бочно украсена со обоен гипс. Во одајата се откриени два погребни дарови — претежно керамички садови, што говори за тоа дека имало клине — погребно легло. Откриени се и човечки останки — делови од рака и нога. На лист од златен венец, погребен дар, е напишано името на покојникот — Ботак(ос), етимолошки поврзан со одгледувањето на добиток. Насипот на гробницата е направен постепено за да биде поголем. На 1 метар висина се откриени траги од гозбата во чест на покојникот. Уште еден метар погоре се откриени траги од втор обред — жртва за покојникот: црвенофигурно пелике со продупчено дно, ставено наопачки врз рамен ред камења, остатоци од позлатен бронзен венец, како и лошо зачувана бронзена монета.
Во 1986 г. гробницата е прогласена за заштитен споменик.[2][1]
Поврзано[уреди | уреди извор]
Наводи[уреди | уреди извор]
- ↑ 1,0 1,1 „ΥΑ ΥΠΠΟ/ΑΡΧ/Α1/Φ43/57683/3282 π.ε./17-4-1996 - ΦΕΚ 294/Β/3-5-1996“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 9 јули 2021. Посетено на 26 јуни 2018.
- ↑ 2,0 2,1 „ΥΑ ΥΠΠΟ/ΑΡΧ/Α1/Φ16/59168/2199 π.ε./1-2-1986 - ΦΕΚ 118/Β/19-3-1986“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 24 јануари 2021. Посетено на 28 јуни 2018.