Споменик на загинатите во Шумскиот пожар над Струмица од 2012 година

Од Википедија — слободната енциклопедија
Прејди на прегледникот Прејди на пребарувањето
Споменик на загинатите во Шумскиот пожар над Струмица од 2012 година
Monument of the killed in the Strumica wildfire of 2012.jpg
Споменикот свечено украсен по повод негово откривање
Координати41°26′18.02″N 22°38′28.06″E / 41.4383389° СГШ; 22.6411278° ИГД / 41.4383389; 22.6411278Координати: 41°26′18.02″N 22°38′28.06″E / 41.4383389° СГШ; 22.6411278° ИГД / 41.4383389; 22.6411278
МестоБулевар „Маршал Тито“, Струмица, Македонија Македонија
ПроектантГригориј Потоцки
Посветен наЗагинатите во Шумскиот пожар над Струмица
Нарачател: Општина Струмица
Градоначалникот Заев дава говор по повод откривањето на споменикот.

Споменикот на загинатите во Шумскиот пожар над Струмица од 2012 година е споменик кој се наоѓа на главниот булевар „Маршал Тито“ во строгиот центар на Струмица, Македонија. Тој е посветен на четворица струмичани кои загинале во Шумскиот пожар над Струмица кој се случил во месец јули 2012 година.

Позадина[уреди | уреди извор]

На 23 јули 2012 година избувнал шумски пожар на планината Еленица која се наоѓа над градот Струмица[1]. Во борба со пожарот истиот ден со тешки изгореници се здобиле 18 лица, меѓу кои Блажо Стојков, Пено Стојанов, Мите Ѓоргиев и Војо Гркљанов кои подлегнале на повредите[2]. Локалната власт уште на почетокот се ангажирала за памет на загинатите, при што во среда, 25 јули 2012 година во Општина Струмица бил прогласен ден на жалоста[3].

По неполн месец од кобниот ден за четирите жртви на пожарот, во Струмица пристигнал Григориј Потоцки, светски номиниран скулптор и сликар од Русија и автор на споменикот Македонија[4]. Тој се сретнал со тогашниот градоначалник Зоран Заев каде што по претходно барање на градоначалникот ја претставил финалната идеја за изглед на споменик за загинатите во пожарот[5].

Симболика[уреди | уреди извор]

Споменикот се базира на христијанската и народната традиција. Главното својство на споменикот се четири птици кои ги симболизираат душите на четворицата загинати во пожарот. Според Потоцки темелите на споменикот се јазиците на огнот како рака која вреска и од пламенот нагоре полетуваат четирите птици. Нозете на птиците стануваат сè потенки, се издолжуваат и птиците полетуваат во небото како четири крста[6].

Поврзано[уреди | уреди извор]

Наводи[уреди | уреди извор]

  1. „Голем шумски пожар гори над Струмица“. Weather 4 All (македонски). 23 јули 2012. конс. 4 јануари 2018. 
  2. „Четврта жртва од пожарот во Струмичко“. 24 Вести (македонски). 5 август 2012. конс. 4 јануари 2018. 
  3. „Службен гласник на Општина Струмица“ (PDF) (македонски). 25 јули 2012. конс. 3 јануари 2018. 
  4. „Потоцки ќе го работи споменикот на жртвите во пожарот кај Струмица“. Денешен (македонски). 15 август 2012. конс. 4 јануари 2018. 
  5. „Во Струмица ќе се гради споменик за четирите жртви од пожарот“. Фама (македонски). 13 август 2012. конс. 4 јануари 2018. 
  6. „Незаборав за 4-те трагично загинати струмичани“. А1он (македонски). 13 август 2012. конс. 5 јануари 2018. 

Надворешни врски[уреди | уреди извор]