Свети Јероним и Марија Магдалена
 Свети Јероним  Марија Магдалена | |
| Творец | Џан Лоренцо Бернини |
|---|---|
| Година | 1661–63 |
| Вид | Скулптура |
| Материјал | Мермер |
| Тематика | Свети Јероним и Марија Магдалена |
| Место | Сиенска соборна црква, Сиена |
Свети Јероним и Марија Магдалена ― две скулптури од италијанскиот уметник Џан Лоренцо Бернини. Тие се наоѓаат во Кигиевата капела во Сиенската соборна црква. Статуите биле нарачани како дел од капелата од тогашниот папа Александар VII (Фабјо Киги).[1]
Работата на скулптурите започнала во 1661 година и тие биле доставени од Рим во Сиена во 1663 година. На Бернини му биле платени 2.128 скуди за својата работа, иако веројатно добил значителна помош при нивното создавање.[2]
Во капелата има уште две скулптури од уметници од работилницата на Бернини - Света Катерина Сиенска од Ерколе Ферата и Свети Бернард Сиенски од Антонјо Раџи. Капелата како целина е дизајнирана од Бернини.[2]
Изучувачите го нагласиле мистичното искуство што го доживуваат фигурите. Рудолф Витковер го документирал „интензивирањето на визионерскиот квалитет“ во статуите, и двете фигури не се ангажирани во физичкиот свет околу нив, туку впиени во нивните сопствени духовни простори.[3] Хауард Хибард ја продолжува оваа линија на аргументи, демонстрирајќи како фигурите излегуваат од нишите што треба да ги содржат - дополнителен доказ за тоа како Јероним и Марија Магдалена не се ограничени од земниот свет, туку реагираат на нешто повисоко.[4]
Подготвителен цртеж за Марија Магдалена постои во Лајпцишкиот музејот за ликовни уметности,[5] додека има подготвителна скулптура на главата на Јероним во Фоговиот музејот на уметност[мртва врска] на Универзитетот Харвард.
Поврзано[уреди | уреди извор]
Наводи[уреди | уреди извор]
- ↑ Filippo Baldinucci, "Vita del cavaliere Gio: Lorenzo Bernini", 1682 p.39
- ↑ 2,0 2,1 Rudolf Wittkower, Bernini, the Sculptor of the Roman Baroque, 1997 (4th ed.), p.282
- ↑ Rudolf Wittkower, Bernini, the Sculptor of the Roman Baroque, 1997 (4th ed.), p.57
- ↑ Howard Hibbard, "Bernini", 1990 (2nd ed.), pps. 191-5
- ↑ Bernini, Giovanni Lorenzo (Zeichner). „Die Magdalena in Siena, Folio recto“. Europeana. Посетено на 4 мај 2023.
Надворешни врски[уреди | уреди извор]
 |
„Свети Јероним и Марија Магдалена“ на Ризницата ? |