Република Анкона

Од Википедија — слободната енциклопедија
Република Анкона
Serenissima Repubblica Lucense

11 век–1532
Знаме Грб
Република Анкона во 15 век
Главен град Анкона
Јазици Латински
Вероисповед Римокатоличка црква
Јудаизам
Уредување Олигархиска Република
Историја
 -  Основана 11 век
 -  Државен удар на папата Климент VII 1532

Република Анкона (италијански: Repubblica di Ancona) — била средновековна комуна и поморска република значајна по својот економски развој и поморската трговија, особено со Византиското Царство и Источниот Медитеран, иако донекаде ограничена со венецијанската надмоќ на морето. Ималаодлични односи со Кралството Унгарија, сојузник на Дубровничката Република, а одржувала добри односи со Турците. Сите овие односи ѝ овозможиле да служи како порта на средна Италија кон Ориентот.

Вклучена во Папските држави од 774 година, Анкона паднала под влијание на Светото Римско Царство околу 1000 година, но постепено се здобила со независност за да стане целосно независна во 11 век, под висока јурисдикција на папската држава.

Анкона била олигархиска република управувана од шест старешини, избрани од трите терзиери на кои бил поделен градот: С. Пјетро, ​​Порто и Каподимонте. Имала серија поморски закони познати како Статути на морето и арсеналот (италијански: Statuti del mare e del Terzenale) и Статути на царината (италијански: Statuti della Dogana).