Мост Јавуз Султан Селим

Мост Јавуз Султан Селим
Носи	комбиниран (автопат и железен пат)
Преминува	Босфор
Место	Истанбул, Турција
Официјален назив	Yavuz Sultan Selim Köprüsü
Особености
Вкуп. должина	2164
Ширина	58.5
Висина	322
Најдолг распон	1408
Историја
Проектант	Мишел Вирложу Жан Франсоа Клајн
Почнат	2013
Трошок	4.5
Отворен	26 август 2016
Местоположба

Мостот Јавуз Султан СелимI (турски: Yavuz Sultan Selim Köprüsü) — мост кој се наоѓа во Истанбул, Турција. Мостот се наоѓа на Босфорот и е посветен на османлискиот султан Селим I. За разлика од останатите два моста на Босфорот, овој мост се наоѓа во северниот дел од градот кој гледа кон Црно Море, во населбата Саријер. Третиот мост над Босфор е најдолгиот комбиниран мост (автопат и железен пат) во светот.

Изградба

Церемонијата на започнување изградба на мостот се одржила на 29 мај 2013 година, додека мостот бил завршен во март 2016 година и отворен за движење на 26 август 2016 година. На свеченото отворање на мостот присуствувал македонскиот претседател Ѓорѓи Иванов, како и бројни државни претставници, меѓу кои претседавачот со претседателството на БиХ, Бакир Изетбеговиќ, претседателот на Владата на Република Бугарија, Бојко Борисов, кралот на Бахреин, Хамад бин Иса ал Калифа и.т.н.

Особености

Преку мостот поминува автопатот Северна Мармара (Kuzey Marmara Otoyolu) со должина од 260 километри, кој ги опкружува урбаните области на Истанбул од север, поврзувајќи ја Европа со Азија. Широчината на мостот е 59 метри, а вкупната должина 1.875 метри, од кои главниот простор е долг 1.408 метри. Мостот има осум сообраќајни ленти и двонасочна железничка пруга. Изградбата чинела 2,5 милијарди евра. Пилоните на мостот се високи се 323 метри. Од аспект на височината тоа е највисок висечки мост со железнички систем и ќе се споменува како мост со највисока кула.

Како главен архитект на мостот биле избрани француските инженери Мишел Вирложу и Жан Франсоа Клајн.