Прејди на содржината

Монте Карло

Од Википедија — слободната енциклопедија
Монте Карло
Monte-Carlo  (француски)
Munte Carlu  (јазик?)
Четврт и оддел
Изборниот оддел Монте Карло во Монако
Изборниот оддел Монте Карло во Монако
ДржаваМонако
Површина
 • Градска0,281 км2 (0,109 ми2)
Население
 • Четврт и оддел15,200 (во четвртот)
 3,500 (во изборниот оддел)
Поштенски број98000

Монте Карло (француски: Monte-Carlo, окситански: Montcarles, моначки: Monte-Carlu) — името на четвртот и административната единица на Кнежевството Монако. Монте Карло е насекаде познат по неговите казина и неговата еминентност. Постојаното население изнесува 15.000 жители. Квартот Монте Карло не го вклучува само средишното место на Монте Карло каде што се наоѓа „Големото Казино“(„Le Grand Casino“) туку исто така ги вклучува маалата Сент Мишел, Сент Роман-Тенао и заедницата која се наоѓа на самата плажа на Ларвото. Граничи со Францускиот град Бузулеј (понекогаш познат како Големо Монте Карло).[1]

Историја

[уреди | уреди извор]
Шарл III Моначки бил одговорен за претворањето на округот Монте Карло и Монако во просперитетен град.

Во 1856 година, Шарл III Моначки им доделил концесија на Наполеон Ланглоа и Албер Обер,[2] да воспостават зграда за капење во морето, за лекување на разни болести и да биде изградено казино во германски стил.[3]

Црквата „Св. Карло“.

Првото казино било отворено во Ла Кондамин во 1862 година, но било неуспешно. Тоа било преместувано неколку пати, пред да стигне до сегашната местоположба во областа Ле Спелиге (Les Spelugues; во превод Пештери) во Монте Карло. Успехот дошил бавно, главно затоа што Монако бил недостапен од поголемиот дел од Европа. Железницата, поставена во 1868 година, донела прилив на луѓе, а Монте Карло се збогатил.[3]

Црквата „Св. Карло“ на авенијата „Св. Карло“ во Монте Карло била завршена во 1883 година. Била обновена во текот на стогодишнината.[4][5]

Општина Монте Карло била основана во 1911 година, кога уставот го поделил Кнежевството Монако на три општини. Општина Монте Карло ги опфаќала постојните населби Ла Рус/Сен Роман, Ларвото/Бас Мулен и Сен Мишел. Општините биле споено во 1917 година, по обвинувањата дека владата ги користела за „раздели па владеј“. Оттогаш, тие станале оддели. Денес, Монако е поделен на 9 оддели, кои се групирани во 4 четврти.

Четвртот Монте Карло биле опслужувани од трамваи од 1898 до 1931 година. Трамвајот ги поврзувал сите делови на Монако (видете сообраќај во Монако). Во 2003 година, во пристаништето во Монте Карло бил завршено ново пристаниште за крстосувачи.

Географија

[уреди | уреди извор]

Монте Карло има површина од 28,14 хектари (0,28 квадратни километри) и се наоѓа на Средоземното Море, граничи на запад со Равен де Сент-Девот и Ла Кондамин, а на исток со Ла Рус и Ларвото.

Клима

[уреди | уреди извор]

Монте Карло има медитеранска клима со топли летни услови (Кепенова класификација на клима: Csa), која е под влијание на океанската клима и влажната суптропска клима. Како резултат на тоа, има топли, суви лета и благи, дождливи зими.[6]

Климатски податоци за Монте Карло, Монако
Месец Јан Фев Мар Апр Мај Јун Јул Авг Сеп Окт Ное Дек Годишно
Прос. висока °C (°F) 12.5
(54.5)		 13.1
(55.6)		 14.5
(58.1)		 16.7
(62.1)		 19.8
(67.6)		 23.3
(73.9)		 26.4
(79.5)		 26.6
(79.9)		 24.2
(75.6)		 20.8
(69.4)		 16.2
(61.2)		 13.5
(56.3)		 19.0
(66.2)
Сред. дневна °C (°F) 8.7
(47.7)		 9.4
(48.9)		 10.9
(51.6)		 13.2
(55.8)		 16.4
(61.5)		 19.9
(67.8)		 22.9
(73.2)		 23.0
(73.4)		 20.5
(68.9)		 17.0
(62.6)		 12.4
(54.3)		 9.6
(49.3)		 15.3
(59.5)
Прос. ниска °C (°F) 4.9
(40.8)		 5.6
(42.1)		 7.2
(45)		 9.7
(49.5)		 13.0
(55.4)		 16.4
(61.5)		 19.3
(66.7)		 19.3
(66.7)		 16.9
(62.4)		 13.2
(55.8)		 8.6
(47.5)		 5.7
(42.3)		 11.7
(53.1)
Прос. врнежи мм (ин) 82.7
(3.256)		 76.4
(3.008)		 70.5
(2.776)		 62.2
(2.449)		 48.6
(1.913)		 36.9
(1.453)		 15.6
(0.614)		 31.3
(1.232)		 54.4
(2.142)		 108.2
(4.26)		 104.2
(4.102)		 77.5
(3.051)		 768.5
(30.256)
Прос. бр. врнежливи денови 6.8 6.4 6.1 6.3 5.2 4.1 1.9 3.1 4.0 5.8 7.0 6.0 62.7
Сред. бр. сончеви часови месечно 148.8 152.6 201.5 228.0 269.7 297.0 341.0 306.9 240.0 204.6 156.0 142.6 2.668,7
Можен удел на сончевост 53 55 54 58 58 66 73 71 67 60 52 51 59.8
Извор бр. 1: Хонгконшка набљудувачница[7]
Извор бр. 2: Weather Atlas (можно сончево време) [8]
Климатски податоци за Монако
Месец Јан Фев Мар Апр Мај Јун Јул Авг Сеп Окт Ное Дек Годишно
Прос. висока °C (°F) 12.3
(54.1)		 12.5
(54.5)		 14.0
(57.2)		 16.1
(61)		 19.4
(66.9)		 23.0
(73.4)		 25.8
(78.4)		 25.9
(78.6)		 23.8
(74.8)		 19.9
(67.8)		 16.1
(61)		 13.4
(56.1)		 18.52
(65.32)
Прос. ниска °C (°F) 8.1
(46.6)		 8.2
(46.8)		 9.6
(49.3)		 11.6
(52.9)		 14.8
(58.6)		 18.5
(65.3)		 21.2
(70.2)		 21.5
(70.7)		 19.3
(66.7)		 15.6
(60.1)		 11.9
(53.4)		 9.3
(48.7)		 14.13
(57.44)
Прос. бр. врнежливи денови 5.9 5.2 6.7 6.0 5.6 2.8 1.3 2.5 4.5 7.5 7.7 6.8 62.5
Извор: Мрежно место на Монако[9]
Климатски податоци за Монте Карло
Месец Јан Фев Мар Апр Мај Јун Јул Авг Сеп Окт Ное Дек Година
Просечна температура на морето °C 13.4 13.0 13.4 14.6 18.0 21.8 23.1 23.6 22.2 19.6 17.4 14.9 17.9
Просечни дневни часови на деноноќие 9.0 10.0 12.0 13.0 15.0 15.0 15.0 14.0 12.0 11.0 10.0 9.0 12.1
Просечен ултравиолетов индекс 1 2 4 5 7 8 8 7 5 3 2 1 4.4
Извор: Weather Atlas [8]

Спорт

[уреди | уреди извор]
Казиното Монте Карло.

Монте Карло е дом на тенискиот турнир АТП Мастерс 1000 за време на сезоната на земјени терени, кој обично се игра од крајот на март до средината до крајот на април. Монте Карло е популарен даночен рај за многу тениски професионалци и дом на многу активни и пензионирани спортисти.

Монте Карло е домаќин на поголемиот дел од патеката Монте Карло, на која е одржувана трката Голема награда на Монако при Формула 1. Исто така, е домаќин на борби на светските првенства во бокс, на големото финале на Европската покер турнеја и на Светското првенство во табла, како и на Меѓународниот саем за автомобили во Монако (француски: Salon International de l'Automobile de Monaco[10]), модни ревии и други настани. Иако тенискиот турнир Монте Карло Мастерс е сметан дека е одржуван во заедницата, неговата вистинска местоположба е во соседната француска општина Рокбрин-Кап-Мартан. Релито Монте Карло е едно од најдолготрајните и најпочитуваните автомобилски рели; од 1973 до 2008 година и повторно од 2012 година, го означува почетокот на сезоната Светското првенство во рели, а исто така послужило и како почеток за Меѓуконтиненталниот рели предизвик помеѓу 2009 и 2011 година. Релито, сепак, е одржуваn надвор од четвртот Монте Карло и е одржуван претежно по француски патишта.

Туризам

[уреди | уреди извор]

Монте Карло со децении го посетуваат кралски семејства, како и јавноста и филмските ѕвезди. Монте Карло е едно од водечките туристички одморалишта во Европа, иако многу од клучните туристички одредишта се во други делови на Монако, вклучувајќи знаменитости како што се Соборната црква „Пресвета Богородица“, Музејот „Наполеон“, Океанографскиот музеј и аквариумот, и Кнежевскиот дворец, сите од кои се наоѓаат во Монако-Вил.

Гарнјеева сала

[уреди | уреди извор]
Влезот на Гарнјеевата сала, домот на Опера на Монте Карло.

Операта на Монте Карло или Гарнјеева сала била изградена од страна на архитектот Шарл Гарнје како точен дупликат во минијатура на Операта во Париз. Аудиториумот на операта е украсена во црвена и жолта боја, има фрески и скулптури насекаде низ аудиториумот. Оваа сала била отворена на 25 јануари 1879 година, со изведбата на Сара Бернард која била облечена како нимфа. Првата опера која била изведена таму, била операта „Витезот Гастон“ (Le Chevalier Gaston) на Роберт Планкит на 8 февруари 1879 година и била подоцна проследена со три исти такви изведби во првата сезона.[11]

Со влијанието на првиот директор, Јулиј Коен, добитната комбинација на Раул Гунсбург (новиот директор од 1883 година) и Принцезата Алис (голема љубителка на опера и сакана жена на наследникот на Шарл III, Алберт I), установата била ставена на сцена со другите светски опери. Гунсбург останал на врвот на гледаноста наредните 60 години, а повеќето главни улоги ги отпеал историскиот италијански тенор, Франческо Тамањо.

Во раните години на 20 век, во Гарнјеевата сала биле изведени добри претстави и настапиле одлични уметници како Нели Мелба и Енрико Карузо во претставите во „Боеми“ (La Bohème) и „Риголето“ (Rigoletto), во 1902 година, како и Феодор Калипин во премиерата „Дон Кихот“ (Don Quichotte) на Жил Масне во 1910 година. Оваа продукција станала дел од долгата поврзаност помеѓу установата и оперите на Масне, од кои две биле претставени постхумано. Други познатни пејачи од 10 век се појавиле во Монте Карло вклучувајќи ги Сен-Санс („Елена“, 1904); Маскањи („Амика“, 1905); и Пучини („Ластовица“, 1917). Секако, од неговото отворање, театарот бил домаќин на светски продукции на опери. Но, „златната доба“ на Гарнјеевата сала ја нема, бидејќи малите театри со мали куќи не можат да ги надминат продукциите кои нудат астрономски цени. Сепак денес оваа установа сè уште претставува пет до шест опери во една сезона.

Хотел де Париз

[уреди | уреди извор]
Хотел де Париз во 2016 година.

Хотелот де Париз бил основан во 1864 година од страна на кнезот Шарл III од Монако на местото каде што требало да биде казиното. Овој хотел се наоѓа во срцето на Монте Карло. Припаѓа на СБМ групацијата (државно управувачко претпријатие кое поседува и раководи со Казиното Монте Карло, операта Монте Карло и хотелот Де Париз) и е дел од елитните хотели во Монако, како што се Монте-Карло Бич Хотел, Монте Карло Беј Хотел и Ресорт, Метропол Хотелот и Фермонт Хотелот.[12]

Хотел де Париз има 106 соби поделени во 4 групи врз основа на погледот, украсувањето и луксузноста.[13] Има 20 соби со одличен поглед кон градот, 29 големи соби со поглед во дворот на хотелот, 59 соби со поглед на морето и шест соби со есклузивен поглед кон казиното. Додатни се 74-те апартмани и помали апартмани кои се групирани слично како и собите, нудејќи повеќе луксузност повеќе од собите. Има еднокреветни и двокреветни апартмани. Исто така постои и претседателскиот апартман.[14]

Во октомври 2014 година, започнал проект за обновување, за да биде создаден градинарски двор, да биде додаден нов спа центар, фитнес центар и базен, исклучителни апартмани и „вила на покривот“ со приватна градина и базен.[15]

Прикажувања во културата

[уреди | уреди извор]

Монте Карло е место каде што биле снимени многу филмови, книги, телевизиски емисии и видеоигри.

Филмови

[уреди | уреди извор]

Книжевност

[уреди | уреди извор]

Музика

[уреди | уреди извор]

Телевизија

[уреди | уреди извор]
  • Телевизиската серија „Ја сакам Луси“ (I Love Lucy) имала епизода сместена во Монте Карло во 1956 година, сезона 5, епизода 25, насловена „Луси оди во Монте Карло“.[22]
  • Во британската приватнодетективска серија, „Рандал и Хопкирк (починати)“ (Randall and Hopkirk (Deceased)), единаесеттата епизода, „Духот кој ја спаси банката во Монте Карло“ (1969), се одвива во Монте Карло.
  • Серијата „Смелите и убавите“ (The Bold and the Beautiful; 1987–) содржела голем број епизоди снимени на места во градот во 2016 и 2017 година. Тоа е местото за годишниот Спенсеров собир.

Видеоигри

[уреди | уреди извор]
Панорама на Ла Кондамин и Монте Карло од гледиште во близина на Кнежевскиот дворец во Монако-Вил.
Панорама на Монте Карло од железничката станица, мај 2015 година.

Луѓе

[уреди | уреди извор]

Поврзано

[уреди | уреди извор]

Наводи

[уреди | уреди извор]
  1. ↑ State.gov, Monaco has four traditional quarters according to US Department State (retrieved 22 September 2007), but see infobox above for other classifications of districts).
  2. ↑ Saige, Gustave (1897). Monaco: Ses Origines et Son Histoire. Imprimerie de Monaco.
  3. 1 2 „History of Monte Carlo Casino“. Craps Dice Control. Посетено на 3 април 2026.
  4. ↑ „Monuments“. Visit Monaco – Monuments. Visit Monaco. Посетено на 3 април 2026.
  5. ↑ „English Community“. Saint-Charles Church. Посетено на 3 април 2026.
  6. ↑ „Monaco weather, climate and geography“. Worldtravelguide.net. Архивирано од изворникот на 21 август 2012. Посетено на 3 април 2026.
  7. ↑ "Climatological Information for Monte Carlo, Monaco" Архивирано на 25 октомври 2019. – Хонгконшка набљудувачница
  8. 1 2 „Monte Carlo, Monaco – Climate data“. Weather Atlas. Посетено на 3 април 2026.
  9. ↑ „Monaco – Climate“. Мрежно место на Монако. Посетено на 3 април 2026.
  10. ↑ „1er Salon International de l'Automobile de Monaco – 2017“. 1er salon international de l'automobile de Monaco (француски). Посетено на 3 април 2026.
  11. ↑ „Obituary:Arturo Vigna“ (PDF). The New York Times. 30 јануари 1927. Архивирано од изворникот 4 август 2023. Посетено на 3 април 2026.
  12. ↑ Warhol, Andy; Hackett, Pat (1989). The Andy Warhol Diaries. Њујорк: Warner Books. стр. 302. ISBN 978-0-446-51426-2.
  13. ↑ „Luxury hotel rooms and luxurious suites in the Hotel de Paris“. En.hoteldeparismontecarlo.com. Архивирано од изворникот на 16 февруари 2007. Посетено на 3 април 2026.
  14. ↑ „Palace Hotel de Paris in Monte-Carlo : Informations about the luxury hotel on the riviera, near from Nice“. En.hoteldeparismontecarlo.com. Архивирано од изворникот на 24 јули 2010. Посетено на 6 јули 2014.
  15. ↑ „Monte-Carlo Société des Bains de Mer, Hotels, restaurants, casinos in Monaco“. www.montecarlosbm.com.
  16. ↑ Hough, John (2 април 1990), A Ghost in Monte Carlo (Drama, Romance), Sarah Miles, Oliver Reed, Christopher Plummer, Samantha Eggar, Gainsborough Pictures, The Grade Company, Turner Pictures (I), Посетено на 3 април 2026
  17. ↑ „The Man Who Broke the Bank at Monte Carlo — music hall hit was inspired by a shady character“. Financial Times. Посетено на 19 февруари 2025.
  18. ↑ „The Grand Duke Plot Summary“. www.gsarchive.net.
  19. ↑ „Monte Carlo“. gsarchive.net.
  20. ↑ „La Dame de Monte-Carlo (Cocteau, set by (Francis Poulenc)) (The LiederNet Archive: Texts and Translations to Lieder, mélodies, canzoni, and other classical vocal music)“. www.lieder.net.
  21. 1 2 „Lyrics containing the term: monte carlo“. www.lyrics.com.
  22. ↑ „Lucy Goes to Monte Carlo“. IMDb.
  23. ↑ „US Open – Victoria Azarenka Player Profile“.
  24. ↑ „Marin Cilic – Overview“. atptour.com.
  25. ↑ „Grigor Dimitrov – Overview“. atptour.com.
  26. ↑ „Novak Djokovic – Overview“. atptour.com.
  27. ↑ „ExclusiveGP“. Архивирано од изворникот на 15 јуни 2013. Посетено на 30 јануари 2013.
  28. ↑ Grupa Wirtualna Polska. „Formuła 1“. sportowefakty.wp.pl.
  29. ↑ „US Open – Petra Kvitova Player Profile“. usopen.org.
  30. ↑ „Daniil Medvedev – Overview“. atptour.com.
  31. ↑ Laughton, Max (10 јануари 2020). „They represent Australia, but this is why Nick Kyrgios and Alex de Minaur 'reside' in The Bahamas“. Fox Sports (англиски). Посетено на 1 април 2026.
  32. ↑ „AO – Lucie Safarova“. ausopen.com.
  33. ↑ World Entertainment News Network (30 јуни 2005). „Ringo Moves To Monte Carlo To Avoid Tax Laws“. Contactmusic.com.
  34. ↑ „Bernard Tomic – Overview“. atptour.com.
  35. ↑ „Alexander Zverev – Overview“. atptour.com.
  36. ↑ „Mischa Zverev – Overview“. atptour.com.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Монте_Карло&oldid=5539529“