Мими Таневска

Од Википедија — слободната енциклопедија
Прејди на прегледникот Прејди на пребарувањето
Роден 1956)
Скопје
Националност Македонка
Познат по улогата во:
Стапица
Елелига Пепелига
Тајната книга
Занимање глумица

Мими Таневска (родена во 1956 во Скопје) — македонска театарска, филмска и телевизиска глумица, професорка на Факултетот за драмски уметности во Скопје, магистер по културологија.

Образование[уреди | уреди извор]

Дипломирала на Факултетот за драмски уметности во Скопје на катедрата по актерска игра. Магистрирала на Институтот за македонски јазик и литература, оддел културолошки студии, во 2010 год. со теза со наслов “Средбата актер-гледач во интеркултурниот театар на Гротовски“.

Професионална кариера[уреди | уреди извор]

Своите актерски ангажмани ги започнува уште на рана возраст како членка на детската радио драма на Радио Скопје од 1966г. до 1972г. Од 1973г. до 1977г., таа е дел од аматерскиот театар “Чекори“ во Скопје. Во 1984г., дипломира на Факултетот за драмски уметности и набрзо потоа се вработува во Македонскиот народен театар како редовен член на актерскиот ансамбл. На сцената на Македонскиот народен театар, а и на останите театарски сцени низ Македонија, како гостинка, одигрува многу значајни улоги од светската драматургија, од автори како: Антон Павлович Чехов, Жан Поклен де Молиер, Вилијам Шекспир, Харолд Пинтер, Жан Пол Сартр, Мирослав Крлежа, Славомир Мрожек, Џон Озбор, Јануш Гловацки, Бертолт Брехт, Горан Стефановски, Жанина Мирчевска, Билјана Србљановиќ итн, соработувајќи со режисери како Слободан Унковски, Владимир Милчин, Владо Цветановски, Љубиша Георгиевски и многу други. Во Македонскиот народен театар останува до 1999г., кога станува асистент по актерска игра на Факултетот за драмски уметности во класата на Љубиша Георгиевски. Во 2011г., станува вонреден професор по актерска игра на Факултетот за драмски уметности во Скопје, напоредно работејќи на театарските сцени низ Македонија, како актерка гостинка. Мими Таневска, своите позначајни филмски и ТВ улоги ги одигрува во “Стапица“, “Елелига Пепелига“, “Мојсие од малото место“, „Состојба пред инфаркт“, “Тајната книга“ и др.

Награди[уреди | уреди извор]

Мими Таневска е добитничка на наградата „Браќа Миладиновци“, неколкукратна добитничка на наградата за најдобра женска улога на МТФ „Војдан Чернодрински“ во Прилеп, како и добитничка на престижната “Стериина награда“ на фестивалот „Стејрино позорје“ во Нови Сад.

Надворешни врски[уреди | уреди извор]