Милички Езера

Милички Езера (полски: Stawy Milickie) — група од околу 285 помали езерца и рибници^[1] во Долношлеското војводство, во југозападна Полска, во долината на реката Бариш, во близина на градовите Милиц и Жмигрод. Езерата зафаќаат вкупна површина од околу 77 км².

Поради нивната важност како живеалиште и место за размножување на водни птици, езерата се заштитени како природен резерват, основан во 1963 на површина од 53 км², кој е заштитен со Рамсарската конвенција (една од 13 такви локации во Полска). Од 1996 година, исто така, се дел од поголемото заштитено подрачје познато како пејзажен парк во Долината Бариш.