Мелнички мост

Мелнички мост
Мелнички мост
	Воздушен поглед на мостот над Дебарското Езеро
Координати	41°31′18″N 20°34′06″E / 41.521667° СГШ; 20.568333° ИГД
Носи
Преминува	Дебарско Езеро
Место	Долно Мелничани
Сопственик	Електростопанство на Македонија
Особености
Вкуп. должина	368 м
Историја
Проектант	Никола Хајдин
Инженер	Цветан Таневски-Цони
Градител	ГП „Пелагонија“
Почнат	1969
Завршен	1970
Сообраќај
Мостарина	нема
Местоположба

Мелнички мост — патен мост на регионалниот пат 1202, кој го поминува Дебарското Езеро.

Историја

Со изградбата на браната „Шпиље“ и создавањето на Дебарското Езеро, било неопходно да се изгради мост за премостување на двете страни на езерото. Изградбата на мостот била извршена во периодот 1969-1970 година според проектна документација на професорот Никола Хајдин од Белградскиот универзитет. Мостот бил изграден од ГП „Пелагонија“, а со инвестиција на Електростопанство на Македонија.^[1] Мостот бил изграден во 1970 година, а на него се наоѓа и градскиот водовод за Дебар, кој доаѓа од селото Росоки.^[2]

Во текот на 2014 година бил обновен^[3] откако биле регистрирани сериозни оштетувања на самата конструкција на мостот.^[1]

Конструкција

Мостот е изведен како две континуирани независни конструкции преку четири полиња со меѓусебен распон 68 + 2 х 83 + 68 и преку две полиња со меѓусебен распон од 33 + 33 метри. Вкупната должина на мостот е 368 метри, и припаѓа на групата подолги и поатрактивни мостови во Македонија.^[1]