Ламборгини Сесто Елементо

Од Википедија — слободната енциклопедија
Прејди на прегледникот Прејди на пребарувањето
Ламборгини Сесто Елементо
Lamborghini Sesto Elemento
Sesto4.JPG
ПроизводителЛамборгини
Период2011
(20 автомобили)
Склопен воСантагата Болоњезе, Италија
СегментS
Каросеријадвовратно купе
Погонски распоредсреден погон, сите тркала
Мотор5.200 см³, V10, 570 КС
Пренос6-брзински полуавтоматски со лопатки
Тежина999 кг

Ламборгини Сесто Елементо (италијански: Lamborghini Sesto Elemento, букв. „Шести елемент“) — двоседен суперавтомобил со V10-мотор на италијанскиот автопроизводител Ламборгини. Претставен е на Парискиот автосаем во 2010 г. Името на италијански значи „шести елемент“, што се однесува на атомскиот број на јаглеродот во периодниот систем, кој е многу застапен во облик на јаглеродни влакна во конструкцијата на автомобилот. Произведен е во многу ограничен број.

Конструкција и особености[уреди | уреди извор]

Автомобилот е опремен со V10-мотор преземен од моделот Галардо, со работната зафатнина од 5.200 см³ (5,2 л) и 6-брзински полуавтоматски менувач со лопатки зад воланот и погон на сите тркала. Има моќност од 570 кс (425 kW) и момент на сила од 540 N·m.

Шасијата, каросеријата, погонската осовина и амортизерските делови се направени од јаглеродни влакна (графитни влакна), со што вкупната тежина е сведена на само 999 кг — споредливо со онаа на мал градски автомобил како што е Хонда Фит.[1] Ова е најлесниот автомобил на Ламборгини.

Воздухот се испушта од 10 карактеристични шестаголни отвори на капакот, а има и два отвора низ кој струи ладен воздух во моторот, поставен во средината на возилото. Големата моќност и малата тежина на возилото даваат сооднос сила-тежина од 0,57 кс/кг (или тежина-сила од 1,75 кг/кс). Според производителот, автомобилот развива 100 км/ч за само 2,5 секунди.[2]

Ограниченост на производството[уреди | уреди извор]

Сесто Елементо изложен на Парискиот автосаем во 2010 г.

Произведени се само 20 автомобили од овој модел, и пуштени во продажба во 2013 г.[1][3] Сите биле продадени веќе во 2012 г.,[4] по цена од 1,6 до 2,1 милиони евра.

Наводи[уреди | уреди извор]

  1. 1,0 1,1 Valdes-Dapena, Peter (17 August 2012). „Lamborghini's $2.2 million Sesto Elemento supercar“. CNN. конс. 28 November 2012. 
  2. „Sesto Elemento: Overview“. Lamborghini. конс. 3 January 2013. 
  3. Pattni, Vijay (13 September 2011). „Lamborghini to build Sesto Elemento“. Top Gear. конс. 28 November 2012. 
  4. „The Lamborghini Sesto Elemento is sold out“. Lambocars.com. конс. 28 November 2012. 

Надворешни врски[уреди | уреди извор]