Кирил Каракаш

Кирил Каракаш
Роден	15 мај 1992 Прилеп, Македонија
Националност	Македонец
Занимање	продуцент режисер сценарист

Кирил Каракаш (15 мај 1992, Прилеп) — македонски филмски и телевизиски режисер, сценарист и продуцент.

Животопис

Кирил Каракаш е роден на 15 мај 1992 година во Прилеп каде го завршил основното и средното образование. Дипломирал филмска и телевизиска режија на Универзитетот за аудиовизуелни уметности ЕСРА во Скопје и на истиот факултет продолжил со студии на филмска и телевизиска продукција.

Филмот и фотографијата се важни во неговиот живот уште од 12-годишна возраст кога со својот прв филм учествувал на националниот фестивал за аматерски филм и оттогаш пишува сценарија, режира, монтира и продуцира краткометражни, документарни и долгометражни филмови. Кирил има работено и како асистент режисер и прв асистент режисер на голем број кратки филмови.

Од 2015 година бил асистент менаџер на Националниот фестивал на аматерски филм на Македонија, а во 2019 година заедно со неговиот колега Светислав Подлешанов го презеле раководството на фестивалот. Во последните неколку години работи и како ментор за средношколци во креативен документарен филм за млада публика.

Кирил е добитник на награди за своите фотографии на државни натпревари за фотографија во Македонија. Активен е во хуманитарна фотографија; во 2009 година имал самостојна изложба, а во 2010 година организирал групна изложба за помош на луѓето со посебни потреби. Тој, исто така, работел на проект за подигање на свеста за спречување на трговија со луѓе, а негова фотографија била објавена во 2013 година на насловната страница на списанието „Жени и правда: правен дијалог“ на Институтот за човекови права.

Филмографија

Режисер

Година	Филм	Забелешка
2021	30 години државност - уставот темел на иднината - тв филм
2018	Водата	соавтор Светислав Подлешанов
2016	Обожение	соавтор Светислав Подлешанов

Сценарист

Година	Филм	Забелешка
2018	Водата	соавтор Светислав Подлешанов
2016	Обожение	соавтор Светислав Подлешанов

Продуцент

Година	Филм	Забелешка
постпродукција	Празникот на хризантемите - игран филм	копродуцент
2020	Фрагменти - документарен филм	копродуцент
2019	Çdo Çast - краток игран филм	Асистент на продукција
2018	Водата - краток документарен	соавтор Светислав Подлешанов
2016	Обожение - игран филм	соавтор Светислав Подлешанов

Надворешни врски

• Кирил Каракаш на Семрежната филмска база на податоци (англиски)