Изрека

Изрека е нешто изречено (кажано), кое се смета за забележително и значајно на еден или друг начин.

Зависно од аспектот на забележителност, постојат ред синоними или облици на изрека:

• Адаж. Афоризам кој се здобил со кредибилитет по пат на негова долготрајна употреба.

• Афоризам. Концизна запамтлива дефиниција.

• Банална поговорка. Површна изрека, која е стара и понекогаш банална.

• Гном (старогрчки: gnome или gignoskein, знаење). Вид изрека, особено афоризам или максима која е осмислена за поучување во компактна форма.

• Досетка. Досетлива или смешна забелешка.

• Духовита забелешка. Паметна изрека, значајна по нејзиниот облик и стил, а не по нејзината содржина.

• Епиграм. Поетска форма или коментар по извесна идеја, настан или личност.

• Изветвена фраза. Безначајна, банална, или слаба забелешка.

• Клише. Многу површна, ветва или банална изрека.

• Максима. Фундаментален принцип или правило. Максимата е мудра изрека, која советува или препорачува начин на однесување. Во споредба со другите видови изреки, ова е концизна формулација на ултимативна вистина, фундаментален принцип или правило на однесување. Зборот потекнува од латинскиот збор maximus, „највелик“, преку изразот maxima propositio, „највелик исказ“.

• Мото. Коцизен израз на мотивација.

• Поговорка. Израз на практична вистина или мудрост.