Евдокија Бајана

Од Википедија — слободната енциклопедија
Прејди на прегледникот Прејди на пребарувањето
Евдокија Бајана
Византиска императорка

Сопруга на византискиот император
На престол 900–901
Сопружник Лав VI Мудриот
Деца
Василиј ?
Династија Македонска династија
Починал(а) 901
Цариград
Почивалиште Црква Свети Апостоли)

Евдокија Бајана (починала на 12 април 901 во Цариград) била византиска царица, трета сопруга на царот Лав VI Мудриот.

Според Теофан Исповедник, Евдокија потекнувала од темата Опсикион. Се омажила за император Лав VI во пролетта 900 година. Ова бил трет брак на царот. Претходните две сопруги на Лав VI починале без да му родат машки наследник. Од нив императорот имал неколку ќерки. Лав VI се надевал дека од бракот со Евдокија ќе се роди машки наследник на престолот. Ѓорѓи Острогорски споменува дека овој брак противречел на тогашните византиски закони и на практиката во православниот свет, поради што царот требало да побара дозвола да се омажи по трет пат од патријарх Антониј II Цариградски.

Евдокија починала година подоцна, на 12 април 901 година, при раѓањето на своето прво дете. Теофан споменува дека детето било момче кое останало некрстено. Во "За церемониите" меѓу имињата на децата на Лав VI се споменува и името Василиј што може да се идентификува со името на мртвородениот син на Евдокија. Во своето дело, Константин VII споменува дека Евдокија била погребана во црквата "Св. Апостоли" во Цариград.

По смртта на Евдокија императорот се оженил за Зоја Карбонопсина кој брак не бил признат од црквата за легитимен.

Литература[уреди | уреди извор]

  • Theophanes Continuatus, Chronicle.
  • Symeon Metaphrastes, Chronicle.
  • Constantine VII, De Ceremoniis.

Надворешни врски[уреди | уреди извор]

Шаблон:S-roy
Претходник
Зоја Зауцена
Византиска царица
900–901
Наследник
Зоја Карбонопсина