Драгица Ристеска
| Драгица Ристеска | |
|---|---|
| Роден(а) | 22 јуни 1981 Скопје,  Македонија |
| Занимање | сликарка |
| Активен период | 2006 - сè уште |
Драгица Ристеска (Скопје, 22 јуни 1981) — македонска сликарка.[1]
Животопис[уреди | уреди извор]
Ристеска е родена на 22 јуни 1981 година во Скопје. Таа е постара сестра на позната македонска пејачка Елена Ристеска[2]. Во 2006 година дипломирала на Факултетот за ликовни уметности во Скопје во рамки на педагошкиот оддел, како ликовен педагог и сликар во класата на професор Рубенс Корубин. Во 2010 година ги завршила 2 годишните Мастер студии ( LACI 1 и 2 ) на Универзитетот во Орлеан, Франција, во соработка со Универзитетот „Св. Кирил и Методиј“ во Скопје, со што се стекнала со две дипломи (македонска и француска) во областа: „Бизнис и меѓународна трговија”. Зборува француски, англиски и италијански јазик. До 2010 година работела во Музејот на современа уметност во Скопје, во образовниот оддел. Од 2006 година има учествувано на бројни групни изложби и уметнички саеми во земјава и странство.