Википедија:Избрана статија/2014/09

Дискретна веројатносна распределба на збир од две коцки

Веројатносна распределба — односот помеѓу вредностите кои ги зема случајната променлива и нивните веројатности. Распределбата на веројатностите може да биде едноваријатна и повеќеваријантна. Едноваријантната распределба ги дава веројатностите на една случајна променива да преземе разни алтернативни вредности. Повеќеваријантната распределба ги дава веројатностите на еден случаен вектор – збир на два или повеќе случајни променливи – преземање разни вредносни комбинации. Од едноваријантните распределби на веројатност најчесто се среќаваат и се многу важни слендиве: биномна веројатност, хипергеометриска веројатност и нормалната распределба.

За да ја дефинираме распределбата на веројатностите за наједноставните случаи, најпрво треба да правиме разлика помеѓу прекинатата и непрекинатата случајна променлива.

Ако променливата X случајно може да земе една од вредностите x₁, x₂, x_n, со соодветни веројатности (релативни честоти ) p₁, p₂,… , p_n при што p₁+ p₂+… + p_n = 1 во тој случај X претставува прекината случајна променлива.

Односот помеѓу вредностите кои ги зема случајната променлива и веројатностите со кои тие вредности ги зема се нарекува „распределба“ („закон“ или „функција“) на веројатностите на случајната променлива. Во општа веројатносна распределба на прекината случајна променлива може да се дефинира како збир на паровите на вредности со соодветни веројатности, при што збирот на сите веројатности е 1. (Дознајте повеќе...)