Атанас Крлевски
Атанас Крлевски ( 30 јули 1956 година) македонски писател,сатиричар,афористичар. Тој е првиот македонски писател кој ја напишал првата хаику стихозбирка за деца „Смајли во снегот“. Тој објавува во многу младински и студентски весници и списанија, како и во списанија за литература, хумор и сатира во Р Македонија.
Животопис[уреди | уреди извор]
Атанас Крлевски е роден 1956 година во Ташкент, денешен Узбекистан. Во 1959 година се доселува и живее во Велес каде завршува основно образование во ООУ „Васил Главинов“ и средно образование во Гимназија „Кочо Рацин“. Школувањето го продолжува на Електротехничкиот факултет во Скопје каде се стекнува со звање инженер по електорника и телекомуникации.
Творештво[уреди | уреди извор]
Со поетско творештво се занимава од првите школски години, а со сатира од 1977 год. Во сатирата е пред се афористичар, иако во помал обем пишува и сатирични текстови, хуморески, епиграми. Негови афоризми се објавени и се објавуваат на радио и телевезиски емисии[1], во списанија и по социјалните мрежи, портали и сл.
Активен член е на Клубот на писатели „Коста Солев Рацин“ во Велес.
Застапен е во повеќе антологии на македонскиот, балканскиот и европскиот афоризам и во зборници, алманаси, заеднички збирки и антологии на сатира и поезија. Преведуван на некои балкански јазици, руски и англиски. Наградуван на повеќето македонски сатирични конкурси, фестивали и манифестации и добитник на наградата 9-ноември, на општина Велес за посебен придонес во сатирата и нејзина афирмација и афирмација на градот во земјата и странство. Во 2023 год. ја добива литературната награда „Коле Неделковски“. Како поет учествува и на многу поетски манифестации, на Детски Рацинови средби и фестивали во Македонија.
Автор е на десет книги афоризми:
- „Крлевизми“ (2009год.),:
- „Окрлавени мисли“ (2011год.),
- „Крлук“ (2014 год.),[2]
- „Цветен пазар“ ( 2015год. ),
- „Изгоревме под сенка“ ( 2017год.),
- „Умот на крлашка“ (2018год.),
- „Одлетани од крлетка“ (2018год.),
- „Мисли без крлушки“ (2019год.),
- „Крилести крлевизми“ (2019 год.)
- „Крлевизми - избрани афоризми“ (2020 год.)
- „На прв поглед“ ( 2018 год. ),
- „Мигум“ ( 2023 год. )
- хаику стихозбирка за деца „Смајли во снегот“ ( 2023 год. )
Наводи[уреди | уреди извор]
Надворешни врски[уреди | уреди извор]
- ↑ „Книга афоризми за жената од Атанас Крлевски“. kanal5.com.mk. Посетено на 2024-01-18.
- ↑ Makedonika. „Атанас Крлевски КРЛУК (афоризми)“. Македоника Литера (англиски). Посетено на 2024-01-18.