Трајан Петровски

Трајан Петровски (31 јануари 1939, с. Арбиново, Дебрца, — 28 март 2021, Скопје) бил македонски поет, раскажувач, романописец, публицист, преведувач и полемичар.

Животопис

Петровски дипломирал право во Скопје, а потоа имал богата дипломатска кариера. Бил амбсадор на СФРЈ и на Македонија во Египет, Турција, Саудиска Арабија, Обединети Арапски Емирати, Узбекистан, Казахстан, Азербејџан и Киргистан. Покрај тоа, бил секретар и претседател на Друштвото на писателите на Македонија, претседател на Советот на Струшките вечери на поезијата и член на македонскиот ПЕН центар.

Петровски бил во брак со Верка Петровска со која имал два сина: Горан и Александар.

Творештво

Во однос на тематската преокупација, дел од поезијата на Петровски е свртена кон тешкиот живот на селанецот и кон судбината на човекот, воопшто, додека во прозата се застапени теми и мотиви поврзани со селскиот живот, раскажани со мошне необичен јазик, небаре позајмен од народниот раскажувач.

Библиографија

Петровски е автор е на следниве дела:

• И падина и гороцвет (поезија, 1964)
• Опаленик (поезија, 1967)
• Водици (поезија, 1969)
• Благослов на лебот (поезија, 1969)
• Дреновина (поеизја, 1971)
• Вовчето Киро (роман за деца, 1973)
• Ни ден ни гробница (поезија, 1974)
• Говорот на селаните (позија, 1979)
• Време Литово и Аждерово (раскази, 1982)
• Запеј, запеј (поезија за деца, 1982)
• Старо лозје (поезија, 1983)
• Сфинга (поезија, 1985)
• Девствена причесна (роман, 1985)
• Асхаровци (роман, 1987)
• Разговори со Прличев (позија, 1989)
• Анадолските ветрови (поезија, 1993)
• Босфорски завештение (поезија, 1996)
• Верување во Охрид (поезија, 1996)
• Живеам во Азија (поезија, 2000)
• Беседења по дервишки (поезија, 2000)
• Пукнатина (поезија, 2005)
• Амбисот. Жената (поезија, 2010)
• Каде со иднината (поезија, 2012)
• Со кого можам да зборувам денес (поезија, 2012)
• Главата в торба (поезија, 2014)
• Кога ѕверот ќе дојде (поезија, 2017)
• Јас и Црна Арапина (поезија, 2017)
• Заклетва за простодушните (роман)
• Дервишки прстен (роман)
• Непорабена месечина (роман)
• Здравица за потомците (роман)
• Македонскиот фараон (роман)
• Саркофагот на македонската земја (роман)
• Бела чума (роман)
• Црвоточина (роман)
• Задгробен разум (роман)
• Откривање на вечноста
• Анадолски дипломатски летопис (мемоари)
• Смалувањето на човекот
• Каирска магија
• Горчлив австралиски патопис
• Житија караормански
• Озрачување на стварноста
• Севселенски раскази
• Жезолот на Патријархот

Исто така, тој е автор на неколку антологиски избори: Слепиот харфист, Читање на папирусите, Антологија на современата египетска поезија, Антологија на малезиската поезија, препеви од „Книгата на мртвите“ и др. Неговите песни се застапени во бројни антологиски избори во Македонија и во странство. Поезијата на Петровски е преведена на повеќе од 20 јазици, а одделни книги поезија и проза се објавени на англиски, руски, арапски, турски, кинески, романски, полски, српски, бугарски, албански, азерски и монголски јазик. Тој, пак, преведувал од српско-хрватски и англиски јазик.

Трајан Петровски е носител на неколку значајни домашни и меѓународни книжевни награди и признанија за поезија и проза, како: Рациново признание, Кочо Рацин, Григор Прличев, Ванчо Николески, Златно перо, Златен Јупитер на градот Тоска во Турција, како и на наградата „Св. Климент Охридски“ на градот Охрид за животно дело.