Мал свиркач
| Мал свиркач | |
|---|---|
_(1).jpg)
| |
| Возрасна птица во септември | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Мочварки |
| Род: | Пескарки |
| Вид: | Мал свиркач |
| Научен назив | |
| Calidris minuta Leisler, 1812 | |
| Синоними | |
|
Erolia minuta | |
Мали свиркач или мала пескарка (науч. Calidris minuta или Erolia minuta), е многу мала крајбрежна птица од семејството на мочварките (науч. Scolopacidae), родот на пескарките (Calidris). Се размножува во арктичка Европа и Азија и е преселничка на долги растојанија, зимувајќи на југ во Африка и јужна Азија. Минува и во Македонија. Понекогаш заскитува во Северна Америка и во Австралија.
Опис[уреди | уреди извор]
Тоа што е малечок, со убав темен клун и има побрзи движења, го разликува малиот свиркач од останатите крајбрежни птици.
_2.jpg)
_W3_IMG_6891.jpg)
Должината на телото му е 13 см, а има распон на крилјата 35 см. Перјето му се разликува сезонски и возрасно. Вон сезоната на парење, во есенско-зимскиот период, возрасните птици одозгора се сивокафеави, а одоздола бели; а во сезоната на парење одозгора перјето им е црвенокафеаво со забележително бело V на грбот. Младенчињата личат на возрасните како во сезоната на парење. Кај сите возрасти нозете се црни. Се огласуваат со пит или чит.
Гнездото на малиот свиркач е исто како на другите водни птици, мала „гребнатинка“ на земјата, опкружена со малку вегетација. Несат 3-5 јајца. Овие птици се полигамни, па и мажјакот и женката може да инкубираат посебни легла.
Се хранат со мали безрбетници кои ги собираат од калта.
Зимно време се здружува во големи јата, формирајќи ги и со други крајбрежни птици, особено со обичниот свиркач во крајбрежните блата или во мочуриштата.
Статус[уреди | уреди извор]
Бројот на птици од овој вид зависи од популацијата на лемингот (мал глодач), кој е основна храна на грабливките од арктичките предели. Ако годината е сиромашна со овие глодачи, грабливките се хранат со малиот свиркач. На овие птици се однесува Договорот за заштита на африканско-евроазиските миграторни водни птици.
Галерија[уреди | уреди извор]
-
Зимско перје (март) -
Возрасен во доцно лето -
Xenus cinereus, Calidris minuta, Tringa stagnatilis во Индија -
Xenus cinereus, Calidris minuta, Tringa stagnatilis во Индија -
Xenus cinereus, Calidris minuta во Индија -
Museum specimen
_W4_IMG_6891.jpg)
Наводи[уреди | уреди извор]
- ↑ BirdLife International (2012). „Calidris minuta“. IUCN Red List. Version 2012.1. International Union for Conservation of Nature. Посетено на 16 July 2012.
Литература[уреди | уреди извор]
- Jonsson, Lars & Peter J. Grant (1984) Identification of stints and peeps British Birds 77(7):293–315
Надворешни врски[уреди | уреди извор]
- Little Stint - Species text in The Atlas of Southern African Birds.
- Oiseaux Photos
- Ageing and sexing (PDF; 1.2 MB) by Javier Blasco-Zumeta & Gerd-Michael Heinze Архивирано на 12 ноември 2013 г.
- Avibase[мртва врска]