Кајмакчалан

Од Википедија — слободната енциклопедија
Прејди на: содржини, барај
Спомен капелата од Битката на Кајмакчалан во 1916 година.

Кајмакчалан е врв на планината Ниџе. Се наоѓа на јужната граница од Македонија, со виина од 2.521 м.[1] Тој е петти највисок врв во Македонија и трет највисок врв во Грција. Кај Бугарите, врвот е познат како Борисов Град, а кај Србите како Порта на слободата и Праг на татковината.

Местоположба[уреди]

Од врвот се гледаат Островското езеро и Петерското езеро во Грција, како и областа Мариово во Македонија. Во близина на Кајмакчалан се наоѓаат селата Скочивир, во Македонија, како и селото Чеган и ски-центарот Ворас, во Грција.[2]

Знаменитости[уреди]

За време на Првата светска војна, на Кајмакчалан се воделе тешки борби меѓу бугарската армија, од една страна, и француската и српската војска, од друга страна, како дел од Македонскиот фронт. Притоа, само во периодот од 12 до 30 септември 1916 година, во жестоките борби на врвот загинале над 4.600 војници од српската војска. Во спомен на овој настан, на црквата „Св. Илија“, сместена на самиот врв, се наоѓа посвета напишана од кралот Александар Караѓорѓевиќ. До пред некое време, во црквата, во посебна урна, се наоѓало срцето на швајцарскиот форензичар, публицист и професор, Арчибалд Рајс. Исто така, на врвот се наоѓа и познатата камбана, која ја донирал Михајло Пупин.[3]

Наводи[уреди]

  1. „Статистички годишник на СР Македонија“. Републички завод за статистика. 1978. 
  2. Алекандар Матески, „Убава Македонија - Кајмакчалан“, Економија и бизнис, година 17, број 196, 30 октомври 2014, стр. 92.
  3. Алекандар Матески, „Убава Македонија - Кајмакчалан“, Економија и бизнис, година 17, број 196, 30 октомври 2014, стр. 92-93.

Надворешни врски[уреди]