Анди

Анди Andes (шпански) Anti Suyu (кечуански)
верига
Земји	Аргентина, Боливија, Чиле, Колумбија, Еквадор, Перу, Венецуела
Градови	Богота, Ла Паз, Сантијаго, Кито, Куско, Мерида
Највисока точка	Аконкагва
- местоположба	Аргентина
- височина	6.962 m (22.841 ft)
- координати	32°39′10″S 70°0′40″W
Должина	7.000 km (4.350 mi)
Ширина	500 km (311 mi)
Сателитска снимка на јужните Анди.

Андите се најдолгиот континентален планински венец во светот. Тие составуваат долг планински венец покрај западниот брег на Јужна Америка. Должината на планинскиот венец изнесува околу 7.000 километри и широк е од 200 до 700 километри. Просечната висина на планинскиот венец е околу 4.000 метри надморска височина. Највисок врв на Андите е Аконкагва со 6.962 метри надморска височина.

Самиот планински венец е поделен на неколку помали планински венци, па така често се одделуваат два големи наречени Западна Кордилера и Источна Кордилера кои се одделени од депресија. Андите се протегаат низ седум јужноамерикански држави: Аргентина, Боливија, Чиле, Колумбија, Еквадор, Перу и Венецуела кои се познати и како Андски држави.

Име

За потеклото на името на планините постојат поголем број теории. Некои веруваат дека зборот „Анди“ доаѓа од кечуанскиот збор „anti“ што значи „висок врв“. Друга теорија е дека името потекнува од една од четирите покраини на Тавантинсују, додека други веруваат дека потекнува од шпанскиот збор „andén“ што значи тераса и се поврзува со терасниот вид на земјоделско одгледување од страна на Инките.

Географија

Андите можат да бидат поделени на три секции: Јужни Анди во Аргентина и Чиле, Централни Анди во делови од Чиле, Перу и Боливија и Северни Анди во Венецуела, Колумбија и Еквадор. Овој венец е составен од два паралелни венци наречени Источна Кордилера и Западна Кордилера. Во Колумбија, северно од границата со Еквадор, Андите се делат на три паралелни венци: западен, источен и централен. Источниот е единствениот кој се протега до Венецуела.

Користена литература

• John Biggar, The Andes: A Guide For Climbers, 3rd. edition, 2005, ISBN 0-9536087-2-7
• Tui de Roy, The Andes: As the Condor Flies. 2005, ISBN 1-55407-070-8
• Fjeldså, J., & N. Krabbe (1990). The Birds of the High Andes. Zoological Museum, University of Copenhagen, Copenhagen. ISBN 87-88757-16-1
• Fjeldså, J. & M. Kessler. 1996. Conserving the biological diversity of Polylepis woodlands of the highlands on Peru and Bolivia, a contribution to sustainable natural resource management in the Andes. NORDECO, Copenhagen.

Видете исто така

• Јужна Америка
• Географија на Јужна Америка
• Источна Кордилера
• Западна Кордилера

Надворешни врски

• Геологија на Андите
• Клима и животински свет на Андите
• Целосна листа на планини во Јужна Америка висина од најмалку 1.500 метри