Џенет Ли

Од Википедија, слободната енциклопедија
Прејди на: содржини, барај


Џенет Ли
Janet Leigh
Janet Leigh and daughters May 1979.jpg
Џенет Ли со ќерките Кели Кертис (лево) и Џејми Ли Кертис (мај 1979)
Роден(а) Џенет Хелен Морисон
Jeanette Helen Morrison
6 јули 1927
САД, Мерсед, Калифорнија
Починал(а) 3 октомври 2004
Лос Анџелес, Калифорнија

Џенет Ли (англиски: Janet Leigh) (6 јули, 1927 - 3 октомври, 2004) била американска актерка.

Биографија[уреди]

Џенет Ли била единственото дете на брачен пар кој често се селел од град во град. Живеејќи во станови, Џенет била доста паметно дете кое прескокнала неколку одделенија и завршило средно училиште на 15 години. Осамено дете, кое поминувало многу време во кината. Таа била студентка, учела музичко образование и психологија на Универзитетот на Пацификот, сè додека не била откриена кога ги посетила нејзините родители во Северна Калифорнија. Нејзиниот татко работел како рецепционер во одморалиште, кадешто и нејзината мајка работела како помошничка. Пензионираната актерка од студиото MGM, Норма Ширер, видела слика од Џенет на рецепционерската маса и прашала дали може да ја позајми фотографијата. Ова доведува до пробно снимање за Џенет во улога во филмот The Romance of Rosy Ridge (1947). MGM бараат наивна и млада девојка, а Џенет совршено одговарала за улогата. Таа ќе игра наспроти Ерол Флин, Гари Купер, Орсон Велс и Џуди Гарланд. Се појавува во различни филмови, од комедии и вестерни до мјузикли и драми.

Но сепак, и покрај сиве овие филмови, таа ќе остане запаметена по првите 45-те минути во трилер/хорор филмот Психо (1960). Режиран од Алфред Хичкок, овој култен класик ја вклучува и познатата сцена со тушот. Иако нејзиниот лик умира доста брзо, таа е номинирана за Оскар, а добива Златен глобус. Нејзин нареден филм е Манџурискиот кандидат (1962), во којшто таа ќе настапи наспроти Френк Синатра. Во подоцнежните години ретко се повавува на големото платно, така во 70-тите се појавува во филмови наменети за телевизијата.

Ли се мажи за нејзиниот трет сопруг, Тони Кертис на 4 јуни, 1951. Тие имаат две деца, Кели Кертис и Џејми Ли Кертис. Се разведуваат во 1962. Џенет се мажи со брокерот Роберт Брант подоцна таа година и остануваат во брак сѐ до нејзината смрт.

Умира спокојно во нејзниот дом на возраст од 77 години. Нејзиното семејство било со неа и во последните часови од нејзината смрт.