НЕ врата

ВЛЕЗ	ИЗЛЕЗ
0	1
1	0

НЕ врата (инвертор) или НЕ коло, НЕ капија (англиски: NOT gate) – дигитална логичка врата чиј излез ја следи таблицата на вистинитост прикажана на десната страна. На излезот се јавува логичка единица „1“ само кога состојбата на влезот е логичка нула „0“, а на излезот се јавува логичка нула „0“ кога на влезот состојбата е логичка единица „1“.

Значи излезот ја „негира“ или инвертира состојбата на влезот и оттаму името НЕ врата или инвертор.

Математичко-логичко разгледување

Може да се каже дека НЕ вратата извршува функција на логичка негација. Подетално разгледување може да се види на „Логичка негација “

Симболи

Постојат 2 симбола за НЕ врата, обичен („воен“, „американски“) и правоаголен (ИЕЦ).

Обичен НЕ симбол

Правоаголен НЕ симбол

Основна компонента

Инверторот се смета за основен блок во дигиталната електроника. Мемории, мултиплексери, декодери и други склопови функционално се засноваат на инверторот.

Хардверски опис и распоред на пиновите

НЕ вратите постојат во ТТЛ и Технологија на комплементарни метал-оксидни полуспроводници изведби како интегрално коло.

Пример на шесткратна НE врата во дигитална ЦМОС технологија е дадена на сликата.

ЦМОС НЕ кола:
- 4009, 4049: шесткратна НЕ врата
ТТЛ НЕ кола:
- 7404: шесткратна НЕ врата
ХЦМОС НЕ кола:
- 74ХЦ04: шесткратна НЕ врата

Замена

Ако нема достапно НЕ коло, може да се земе едно од универзалните логички кола НИ или НИЛИ кола и влезовите кратко да им се спојат. Со тоа се добива инвертор со еден влез.

Поврзано

Надворешни врски

Распоред на пинови за разни дигитални кола со логички врати