Прејди на содржината

The Jesus and Mary Chain

Од Википедија — слободната енциклопедија
The Jesus and Mary Chain
The band onstage
The Jesus and Mary Chain на концерт во Лос Анџелес во 2007 година
Животописни податоци
ПотеклоИст Килбрајд, Шкотска
Жанрови
Период на активност1983–1999, 2007–денес
Издавачи
Мреж. местоthemarychain.com

The Jesus and Mary Chain ― шкотска алтернативна рок-група основана во Ист Килбрајд во 1983 година. Групата ја основале браќата Џим и Вилијам Рид, кои се и единствени постојани членови на групата во целокупното нејзино постоење. Тие се сметаат за клучни фигури во развојот на поджанровите на алтернативната рок-музика: шугејзинг и нојс-поп.[7] За време на своето постоење групата имала дванаесет песни во топ-40 и две песни во топ-10 на топ-листата во Обединетото Кралство.

Групата често го менувала составот. Во почетната постава браќата Рид ги ангажирале Даглас Харт на бас и Мареј Далглиш на тапани. По потпишувањето на договор со независната издавачка куќа Creation Records, тие го објавиле нивниот прв сингл „Upside Down“ (1984). Боби Гилеспи го заменил Далглиш како тапанар на групата, а нивниот прв албум Psychocandy бил објавен во 1985 година; албумот добил пофалби од критичарите. По издавањето на албумот, Гилеспи ја напуштил групата и основал своја група, Primal Scream. Најпродаван албум на групата во Обединетото Кралство бил нивниот втор албум Darklands, кој во 1987 година се искачил на 5-то место на топ-листата за албуми во Обединетото Кралство и на него била песната „April Skies“, која стигнала до осмо место во Обединетото Кралство. Групата во 1989 година го издала третиот албум Automatic, а од албумот биле издадени синглови со кои групата за прв пат се пласирала на топ-листите во САД („Blus from a Gun“ и „Head On“). Две години подоцна Харт ја напуштил групата.

The Jesus and Mary Chain потоа ги издале албумите Honey's Dead (1992) и Stoned & Dethroned (1994). Двата албума биле успешни во САД. Групата по десет години си заминала од издавачката куќа WEA, а потоа потпишала договори со Sub Pop Records за САД и со Creation Records за ОК за во 1998 година да го издадат албумот Munki. Групата се распаднала во октомври 1999 година како резултат на кавга на сцената на концерт во Лос Анџелес во септември 1998 година; Вилијам Рид предвреме ја напуштил турнејата откако се степал со пијаниот Џим Рид.[8] Групата повторно се обединила во 2007 година и во 2017 година го издала седмиот албум Damage and Joy; прв албум по 19 години. Следниот албум Glasgow Eyes бил издаден во 2024 година и станал нивен прв топ-10 албум во Обединетото Кралство од 1988 година.[9]

Членови[уреди | уреди извор]

  • Џим Рид – пејач, гитара, бас (1983–1999, 2007–денес)
  • Вилијам Рид – гитара, бас, пејач (1983–1999, 2007–денес)
  • Марк Крозер – гитара (2007–2008, 2012), бас (2013–сега)
  • Скот фон Рајпер - гитара (2015-денес)
  • Џастин Велч – тапани (2021–сега)

Дискографија[уреди | уреди извор]

  • Psychocandy (1985)
  • Darklands (1987)
  • Automatic (1989)
  • Honey's Dead (1992)
  • Stoned & Dethroned (1994)
  • Munki (1998)
  • Damage and Joy (2017)
  • Glasgow Eyes (2024)

Наводи[уреди | уреди извор]

  1. ↑ Rotter, Joshua (2 December 2018). „The Jesus and Mary Chain Have Mellowed With Age — But Only Slightly“. SF Weekly. Посетено на 13 April 2021.
  2. ↑ Ankeny, Jason. „The Jesus and Mary Chain“. AllMusic. Посетено на 13 April 2021.
  3. ↑ Blistein, Jon (8 December 2016). „Jesus and Mary Chain Detail First Album in 18 Years, 'Damage and Joy'“. Rolling Stone. Посетено на 13 April 2021.
  4. ↑ George-Warren, Holly; Romanowski, Patricia, уред. (2001). The Rolling Stone Encyclopedia of Rock & Roll (3rd. изд.). Fireside. стр. 493. ISBN 0-7432-9201-4.
  5. ↑ Lindsay, Cam (20 March 2017). „The Jesus & Mary Chain Are Forever Kings of Cool“. Vice. Посетено на 13 May 2019. Nineteen years after their last record, the shoegaze progenitors return with 'Damage and Joy.'
  6. ↑ Sailor, Emma (13 February 2018). „My Forgotten Favorite: American Shoegaze“. KRUI-FM. Посетено на 13 May 2019. The result hearkens back to noisier, more aggressive shoegaze progenitors like The Jesus and Mary Chain.
  7. ↑ Lindsay, Cam (2017-03-21). „The Jesus and Mary Chain: Barbed Wire Disses“.
  8. ↑ „Jesus And Mary Chain Guitarist Splits Tour After Sibling Fight“. MTV (англиски). Посетено на 2023-03-24.
  9. ↑ „Elbow earn fourth Number 1 album with AUDIO VERTIGO“. Official Charts (англиски). 2024-03-29. Посетено на 2024-03-30.

Надворешни врски[уреди | уреди извор]

Преземено од „https://mk.wikipedia.org/w/index.php?title=The_Jesus_and_Mary_Chain&oldid=5203751“