Mac OS

Од Википедија — слободната енциклопедија
Прејди на: содржини, барај
Mac OS
Mac OS logo
Разработувач Apple, Стив Џобс
Семејство Класичен Mac OS ( System - 1–7, Mac OS - 8–9)
Јуникс (OS X)[1][2][3]
Работна состојба Јавно објавен
Изворен модел Затворен код (со делови што се со отворен код)
Лиценца Комерцијален софтвер
Портал https://www.apple.com/osx

Mac OS (или анг. Macintosh Operating System) е оперативен систем кој за прв пат бил промовиран на 24 јануари 1984 година и е дел од серијата оперативни системи на Apple (Епл) напишани за линијата сметачи Мекинтош. Тоа бил првиот комерцијално успешен оперативен систем со графички интерфејс што бил револуционерен во тоа време.

Oперативните системи на Мекинтош се пуштени во две главни серии. Верзиите до ознаката 9, што се реализираат почнувајќи од 1984 до 2000 година, познати се како Класичен Mac OS. Верзиите со ознаката 10, од 2001 година до денес, се брендирани како OS X (оригинално се нарекуваат Mac OS X).[4]

Броевите на верзиите на оперативниот систем сега се одделени со точка со што, на пример, верзијата 10.2 значително е различна од 10.5.

Развивање[уреди | уреди извор]

Луѓето кои се заслужни за настанувањето на хардверот и софтверот за Мекинтош се Бил Еткинсон, Крис Еспиноза, Џоана Хофман, Џорџ Кроу, Барел Смит, Џери Менок, Џеф Рескин и Енди Херцфелд. Најголемата конкуренција им е Мајкрософт, кој наводно го украл првиот графички дизајн од Мекинтош, па и ден денес се водат полемики околу тоа. Целта на овие луѓе била да го направат сметачот полесен за употреба преку графичкиот интерфејс, затоа што дотогаш оперативниот систем MS-DOS бил најзастапен, но неговата употреба била отежната.

Во март 2006 година се случила своевидна револуција што се однесува на Мекинтош: сметачите на Apple кои дотогаш биле базирани на процесорите на Моторола преминале на процесорите на Интел, со што практично била отворена вратата за употребата на Mac OS и на “обичните“ персонални сметачи. До тогаш единствените верзии на Mas OS за персоналните сметачи биле нелегалните “кракувани“ верзии. Со тоа, оперативниот систем Виндоуз кој бил ненадминат, најпосле добил силен конурент.

Во средината на април 2006 година компанијата Apple го понудила софтверот Boot Camp со кој било овозможено користењето на оперативниот систем Виндоуз на сметачите Мекинтош.

Наводи[уреди | уреди извор]

  1. „The Open Brand - Register of Certified Products - OS X 10.5 on Intel-based Macintosh computers“. The Open Group. http://www.opengroup.org/openbrand/register/brand3555.htm. конс. 22 ноември 2009 г. 
  2. „The Open Brand - Register of Certified Products - OS X 10.6 on Intel-based Macintosh computers“. The Open Group. http://www.opengroup.org/openbrand/register/brand3581.htm. конс. 22 ноември 2009 г. 
  3. „Apple page on UNIX“. Apple Inc. http://www.apple.com/server/macosx/technology/unix.html. конс. 5 ноември 2008 г. 
  4. Пател, Нилеј (16 февруари 2012). „Apple officially renames Mac OS X to OS X, drops the 'Mac'“. The Verge. http://www.theverge.com/2012/2/16/2802281/apple-officially-renames-mac-os-x-to-os-x-drops-the-mac. конс. 21 февруари 2012 г.