Уво-Буковец

Од Википедија — слободната енциклопедија
(Пренасочено од Уво (рид))
Прејди на прегледникот Прејди на пребарувањето
Уво-Буковец
Уво-Буковец.jpg
Поглед на Уво (десно) и Буковец (лево)
Највисока точка
Надм. вис.1.472 / 1.423 м [1]
Истакнатост250 м [1]
Координати42°03′29″N 22°13′32″E / 42.05806° СГШ; 22.22556° ИГД / 42.05806; 22.22556Координати: 42°03′29″N 22°13′32″E / 42.05806° СГШ; 22.22556° ИГД / 42.05806; 22.22556(седло)
Величина
Површина10 км2
Географија
Уво- Буковец is located in Македонија
Уво- Буковец
Уво-
Буковец
РегионОпштина Кратово, Североисточна Македонија

Уво-Буковец — пар вулкански купи на 4 км источно од планината Плавица, над селото Близанци, Кратовско. Буковец на запад е висок 1.423 м, а Уво на исток е на висина од 1.472 м. Ги двои плитко седло на растојание од 1 км, поставено со расед во правец ССИ-ЈЈЗ. Купите се прилично симетрични, и обете се со истакнатост од околу 250 м.[1]

Не е точно познато дали во минатото купите биле дел од една целина на чиј врв стоел кратер (подоцна уништен со раседната структура) или пак станува збор за главна и паразитска купа со сопствен механизам на дејствување (полифазност). По страните на купите се забележуваат траги од радијално течење на лавата, особено кон јужната и југозападната страна. Изливите биле претежно сочинети од дацити (дацитски игнимбрити). Од паразитските купи подобро се изразени Куновска Чука (1.347 м) на исток, Лески (1.073 м) на север и неколку други послабо изразени.

Целата структура Уво-Буковец, заедно со паразитските кратери, се протега на површина од околу 10 км2, а лавно-вулканокластичниот материјал е распространет на површина од 35 км2[1]. Староста на оваа структура веројатно е олигоценска. Поради тоа, палеовулканските облици значително се уништени и видоизменети со подоцнежните водосоголителни процеси.

Куновска Чука[уреди | уреди извор]

Купата Куновска Чука, набљудувана од долината на Злетовска Река има особено величествен изглед, поради стрмното издигање над долинското дно во висина од околу 600 м.[1] Ваквата истакнатост впрочем се должи на длабокото всекување на Злетовска Река од источната страна, кое се случило многу подоцна од настанокот на купата.

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 1,3 1,4 Група автори (2016). „Вулканска купа Васов Град“. Студија за геодиверзитетот и геонаследството на Република Македонија и другите компоненти на природата. Скопје: Министерство за животна средина и просторно планирање. стр. 140-141. ISBN 978-9989-110-90-0. http://www.moepp.gov.mk/wp-content/uploads/2016/12/STUDIJA_PRIRODA.pdf.