Телегласање

Од Википедија — слободната енциклопедија
Прејди на: содржини, барај

Телегласање, телефонско гласање или телевотинг (англиски: televoting) — начин на гласање при кој гласачот го дава својот глас со телефонски повик или со праќање на кратка порака. Секој кандидат за кој се гласа има свој телефонски број кој гласачот го повикува или испраќа кратка кон него. Гласовите се бројат со помош на сметачка технологија.

Телегласањата скоро исклучиво се одвиваат на телевизија, пред сè во забавни програми. Едно од најдобрите познати телегласања потекнува од изборот на Песна на Евровизија. Европската радиодифузна унија го вовела телегласањето во средината на деведесеттите години на минатиот век како алтернативно жири. На овој натпревар телегласањето стана одлучувачко при изборот на победник. Оттогаш малку земји користат гласање со помош на стручно жири.


Слабости на телегласањето[уреди | уреди извор]

Главна слабост на телегласањето е можноста во определеното време едно лице да даде повеќе гласови. Исто така негова слабост е што постарите генерации не го прифаќаат. И на крајот телегласањето не обезбедува стручно и непристрасно доделување на гласовите.

На Евросонг воведувањето на телегласањето многу го зголеми подарувањето на гласови на соседните држави, кое било присутно и претходно, но во многу помала мера. По предвидливи соседски модели се одвиваат гласањата меѓу балтичките и скандинавските држави, меѓу државите на бившиот Советски Сојуз и меѓу републиките на бивша Југославија. Битно е гласањето на доселениците, турските имигранти во Германија гласаат масовно за Турција, руските имигранти за Русија...

Надворешни врски[уреди | уреди извор]