Спротивниот брег

Од Википедија — слободната енциклопедија
Прејди на прегледникот Прејди на пребарувањето
Спротивниот брег  
Rivage des Syrtes.png
АвторЖилјен Грак
Наслов на
оригиналот
Le Rivage des Syrtes
ЗемјаФранција
Јазикфранцуски
Жанр(ови)роман

Спротивниот брег (француски: Le Rivage des Syrtes) — роман од францускиот писател Жилјен Грак објавен во 1951. Ова бил неговиот трет и најпознат роман. Дејството се одвива на границата од две фиктивни медитерански земји, Орсена и Фаргестан, кои 300 години биле во војна. Државата Орсена симболизира историја, традиција, и ред, додека Фаргестан е симбол за неразумност. Самиот автор го опишал делото како „свесен сон“, а според критиката припаѓа на правецот надреализам.[1]

Главниот лик Алдо бил пратен како набљудувач во напуштен замок во Орсена, но иако двете земји се во војна, со децении немало никаква борба. Иако свесен дека би можел да предизвика обновување на конфликтот, Алдо одлучил да ја премине границата, сметајќи дека можното уништување е подобар избор од бавното пропаѓање. Делото било наградено со „наградата Гонкур“, но Грак одбил да ја прими наградата како чин на негодување против комерцијализацијата на пишаниот збор.[2] Книгата наишла на позитивен прием од стручната јавност, а добила добра рецензија во весникот Њу Јорк Тајмс.[3]

Наводи[уреди | уреди извор]

  1. Taylor, Karen L. (2006). The Facts on File Companion to the French Novel. New York City: Infobase Publishing. стр. 297. ISBN 9780816074990. 
  2. Kirkup, James (2007-12-24). „Julien Gracq: Distinguished novelist known for his surrealism and solitude who refused all literary honours“. The Independent. конс. 2013-06-26. 
  3. Cardonne-Arlyck, Elisabeth (1986-06-22). „The Beckoning Ghost“. The New York Times. конс. 2015-11-27. 

Надворешни врски[уреди | уреди извор]