Споменик на Револуцијата (Струга)

Споменик на Револуцијата (Струга)
Споменик на Револуцијата (Струга)
	Споменикот во 2022 година
Место	Струга
Проектант	Војислав Васиљевиќ
Тип	обелиск
Материјал	бетон и арматура
Висина	18 м
Завршен	1974
Отворен	8 ноември 1974 година

Споменик на Револуцијата ― споменик во Струга, кој е дело на Војислав Васиљевиќ. Главниот елемент на комплексот е голем неправилен бетонски обелиск висок приближно 18 метри. Околу него се поставени долги скали, место за седење и мал амфитеатар. Споменикот одбележува комеморацијата на 335 паднати борци од Струга/Струшко кои загинале за време на НОВ, заедно со сите 3.000 партизани од целиот регион.^[1]

Местоположба

Споменикот се наоѓа на плоштадот „Маршал Тито/Мајка Тереза“, во непосредна близина на поранешната зграда на Општина Струга која се наоѓа североисточно од споменикот.

Историја

Во 1971 година, групи на борци ветерани и локалната самоуправа на Општина Струга започнале да прават планови за создавање на комплекс „споменик“ во средиштето на градот во знак на сеќавање на паднатите партизани во регионот кои паднале и се бореле за време на НОБ. Југословенскиот дизајнер Војислав Васиљевиќ на крајот бил избран од општинската власт да го дизајнира и создаде споменикот, заедно со околната меморијална инфраструктура на местото. Комплексот требал да биде сместен токму во средиштето на Струга, источно од реката Црн Дрим кај плоштадот „Маршал Тито“. Комплексот бил службено откриен пред јавноста на 8 ноември 1974 година, датум избран со цел да се одбележи 30-годишнината од ослободувањето на Струга.^[1]