Парагрупа
Парагрупа — термин кој се користи во популациската генетика за да се опишат линиите во хаплогрупата кои не се дефинирани со никакви дополнителни уникатни маркери.
Во хаплогрупите на ДНК на човечкиот Y-хромозом, парагрупите обично се претставени со ѕвездичка (*) поставена по главната хаплогрупа.[1]
Терминот „парагрупа“ е стопеница на термините парафилетска хаплогрупа што укажува дека парагрупите формираат парафилетски подклади.[1] Освен мутациите што ја дефинираат матичната хаплогрупа, парагрупите можеби нема да поседуваат дополнителни уникатни маркери. Алтернативно, парагрупите може да поседуваат уникатни маркери кои не се откриени. Доколку се открие уникатен маркер во парагрупата, на специфичната лоза му се дава единствено име и се поместува од парагрупата за да формира независна подклада.
На пример, парагрупата на човечката Y-ДНК Хаплогрупа DE е DE*. Член на DE* го има маркерот што го дефинира DE, но не и маркерите што ги дефинираат единствените познати непосредни подклади на DE, хаплогрупите D и E.[2] Исто така, хаплогрупата E1b1b1g (исто така позната како E-M293) е пример за релативно нова подклада, откриена во претходно назначена парагрупа и доделена ново име. Сè додека SNP/UEP маркерот M293 не беше откриен во 2008 година, членовите на подкладата не се разликуваа од другите компоненти на парагрупата E1b1b1* (познати и како E3b* и E-M35*).[3]
Друг пример е член на хаплогрупата Y-ДНК R (дефиниран со маркерот M207) може да припаѓа на под-хаплогрупата R1 (дефиниран со маркерот M173) или R2 (дефиниран со маркерот M124). Поединците со ниту една од овие мутации би биле категоризирани како припадници на хаплогрупата R*.
Наводи[уреди | уреди извор]
- ↑ 1,0 1,1 The Y Chromosome Consortium, T. Y. C. (2002). „A Nomenclature System for the Tree of Human Y-Chromosomal Binary Haplogroups“ (PDF). Genome Research. Cold Spring Harbor Laboratory Press. 12 (2): 339–48. doi:10.1101/gr.217602. PMC 155271. PMID 11827954. Грешка во наводот: Неважечка ознака
<ref>; називот „ycc“ е зададен повеќепати со различна содржина. - ↑ Weale, Michael E.; и др. (2003). „Rare Deep-Rooting Y Chromosome Lineages in Humans: Lessons for Phylogeography“. Genetics. 165 (1): 229–34. doi:10.1093/genetics/165.1.229. PMC 1462739. PMID 14504230.
- ↑ Henn, BM; и др. (2008). „Y-chromosomal evidence of a pastoralist migration through Tanzania to southern Africa“. Proceedings of the National Academy of Sciences of the United States of America. PNAS. 105 (31): 10693–8. Bibcode:2008PNAS..10510693H. doi:10.1073/pnas.0801184105. PMC 2504844. PMID 18678889.