Отпорничко-транзисторска логика

Од Википедија — слободната енциклопедија
Прејди на прегледникот Прејди на пребарувањето
НИЛИ (NOR) логичка врата во RTL технологија.

Отпорничко-транзисторска логика, RTL (скратеница од англиски: Resistor-Transistor Logic што значи „отпорничко-транзисторска логика“) – е технолошка генерација логички врати, створена во 50-тите години на 20 век. RTL била првата генерација транзисторски логички врати која се користела во дигиталната логика, подоцни генерации биле DTL и TTL. Оваа технологија била користена во некои сметачи во 50-тите и 60-тите години на 20 век.

Функционирање[уреди | уреди извор]

Наједноставно коло е инверторот. Високиот напон (логичка единица) на базата на транзисторот предизвикува струја во базата. Ова предизвикува струја на колекторот и напонот колектор-емитер паѓа на логичка нула (напон на заситување) 0-0,2 V.

Во НИЛИ колото на сликата, треба кој било влез да биде „висок“ за да потече колекторска струја и да произведе логичка нула на излезот.

Предности и недостатоци[уреди | уреди извор]

Предност на оваа технологија малата потрошувачка на транзистори, што во 50-тите години било важно заради високата цена на транзисторите.

Освен тоа, бројот на влезови лесно можел да се зголеми со додавање на отпорници на базата, и понатаму користејќи само еден транзистор.

Овие предности исчезнале со појавата на интегрирани кола, каде било полесно да се додаде транзистор или диода наместо отпорник.

Недостаток на оваа технологија е приличното трошење на струја во состојба на логичка нула (транзисторот во заситување).

Подобрувања[уреди | уреди извор]

Користени се разни методи за да се забрза работата на транзисторите во RTL колата. Некои од нив еволуирале во RCTL и DTL.

RCTL[уреди | уреди извор]

RCTL (англиски: Resistor-Capacitor-Transistor Logic) што значи „отпорничко-кондензаторско-транзисторска логика“ е технолошка генерација логички врати, створена во 50-тите години на 20 век.

RCTL е модификација на RTL технологијата, со додатни кондензатори паралелно со отпорниците на базата на транзисторот.

Кондензаторите овозможиле побрза работа, но и осетливоста на пречки била зголемена, како и бројот на компоненти.

Поврзано[уреди | уреди извор]

Надворешни врски[уреди | уреди извор]