Музеј Роден (Париз)

Од Википедија — слободната енциклопедија
Прејди на прегледникот Прејди на пребарувањето
Музеј Роден
Le musée Rodin.jpg
Грешка во Lua во Модул:Location_map, ред 502: Unable to find the specified location map definition. Neither "Модул:Location map/data/Paris" nor "Шаблон:Location map Paris" exists
Основан1919
МестоHôtel Biron, 79, rue de Varenne, 75007 Paris, France
Координати48°51′19″ СГШ; 2°18′57″ ИГД / 48.855278° СГШ; 2.315833° ИГД / 48.855278; 2.315833Координати: 48°51′19″ СГШ; 2°18′57″ ИГД / 48.855278° СГШ; 2.315833° ИГД / 48.855278; 2.315833
Посетеностоколу 700.000 годишно
Јавен превозВарен Metro-M.svgParis m 13 jms.svg
Инвалиди RER.svg Paris RER C icon.svg
Мреж. местоhttp://www.musee-rodin.fr/

Музејот Роден во Париз е музеј отворен во 1919 година и посветен на делата на францускиот скулптор Огист Роден. Тој има две локации: Хотел Бирон и околните делови во централен Париз и надвор од Париз во куќата на Огист Роден, Вилата де Бријан во Медон (О де Сен). Колекцијата вклучува 6,600 скулптури, 8,000 цртежи, 8,000 стари фотографии, и 7,000 уметнички предмети. Музејот собира 700,000 посетители на годишно ниво[1].

Додека живеел во Вилата де Бријан, Роден од 1908 го користел хотелот Бирон како негова работилница а подоцна ја донирал целата своја колекција скулптури (заедно со слики од Винсент ван Гог, Клод Моне и Пјер-Огист Реноар коишто ги поседувал)[2] на француската држава под услов зградите во коишто творел да се претворат во музеј посветен на неговите дела.


Музејот Роден ги содржи повеќето значајни дела на Огист Роден вклучително Мислителот, Бакнеж и Портите на пеколот. Многу од неговите скулптури се истакнати во музејската голема градина. Музејот вклучува соба посветена на делата на Камиј Клодел која била негова ученичка и љубовница[2].

Музејот е еден од најдостапните музеи во Париз. Тој се наоѓа во близина на метро станицата Варен, во централното подрачје и влезницата е по многу разумна цена. Градините околу музејот содржат многу од познатите скулптури во природни поставки. Зад музејот има мало езеро и ресторан.

Дополнително, на платформата на метрото станицата Варен, се истакнати некои од скулптурите на Огист Роден.[3]

Постојана колекција[уреди | уреди извор]

Бакнеж, Огист Роден, 1889

Скулптури[уреди | уреди извор]

Роденовите скулптури се дело на уметник кој избрал да им пркоси на нормите на своето време. Меѓу делата на неговата младост, Човек со скршен нос кое е со современи естетски норми, додека Бронзено доба ги отфрла современи механизми на физичката експресија. Ова отсуство на извештаченост, како голотијата на Мислителот или Адам и Ева му ја гарантира безвременската вредност на делото на Огист Роден.

Цртежи[уреди | уреди извор]

Графичката збирка на Музејот Роден содржи околу 7,000 цртежи. Тие можат да бидат поврзани со различни стилови и епохи: набљудување на пејзажи, фантастични дела инспирирани од "Пеколот" или Бодлер, бројни еротски актови дури и портрети.

Фотографија[уреди | уреди извор]

Во Музејот Роден има важна збирка од 25,000 фотографии. Меѓу овие, 7,000 биле собрани од страна на самиот Огист Роден. Уметникот покажал навистина голем интерес за оваа уметност и тој соработувал со многу фотографи, како што се Ежен Друе, Жак-Ернест Билоз, Адолф Браун и др. Темите се различни. Роден поседувал лична албуми како сведоштво за неговите центри на интерес и уметнички извори. Освен тоа, овие фотографии се голем извор за да дознаеме што се случувало во студиото помеѓу 1877 година и смртта на Роден во 1917.

Роден како колекционер[уреди | уреди извор]

Во текот на последните дваесет години од својот живот, како што живеел во Медон, Роден започнал збирка на антички уметнички дела од Египет, Грција и Рим, а потоа подоцна и од Далечниот Исток. Освен тоа, Роден преку серија на размени направени со неговите пријатели уметници, станал сопственик на уметнички дела од Жил Далу, Александар Фалгиер или Жан-Пол Лоренс. Тој, исто така, поседувал три дела од Ван Гог (вклучувајќи Чичко Танги, 1887), од Реноар, Голи во сончевата светлина и Моне, Бел-Ил.

Бура (1898), Огист Роден, мермер

Привремени изложби[уреди | уреди извор]

Привремени изложби посветени на Огист Роден[уреди | уреди извор]

  • Скулптурата во просторот (француски: La sculpture dans l’espace, Rodin, Brâncuși, Giacometti (ноември 2005-февруари2006): 82,000 посетители
  • Роден и камбоџанските танчерки, неговата последна страст (француски: Rodin et les danseuses cambodgiennes, sa dernière passion) (јуни 2006-септември 2006): 91,000 посетители
  • Роден, фигурите на Ерос (француски: Rodin, les figures d’Eros (ноември 2006-март 2007): 84,000 посетители
  • Камиј Клодел, жена, уметница (француски: Camille Claudel, une femme, une artiste (април 2008-јули 2008): 150,000 посетители
  • Страста на дело. Роден и Фројд,колекционер (француски: La Passion à l’œuvre, Rodin et Freud, collectionneurs (октомври 2008-февруари 2009)
  • Тела и декори. Роден и декоративните уметности (француски: Corps et décors. Rodin et les arts décoratifs (април 2010-август 2010)
  • Роден. лабораторија на творештвото (француски: Rodin. Laboratoire de la création (13 ноември 2014 – 27 септември 2015)
Rodin092.JPG

Современите ликовни изложби[уреди | уреди извор]

Во јануари 2006 ликовни изложби исто така биле организирани, како што тоа било направено на почетокот на 1949 година кога првиот Салон на младата скулптура се одржал во Музејот Роден. Уметници како Антони Каро, Ежен Додењ, Етјен Боси изложувале во музејот. Бил Виола, Адел Абдесемед и Мирча Кантор биле поканети да прикажуваат видеа во паркот за "Ноќите на музеите (француски: Nuit des musées)". Во 2010 година, уметнички дела од страна на белгискиот уметник Вим Делвој биле изложени, како и програма со видео-изведби од страна на уметници како Вито Акончи, Сања Ивековиќ, Марина Абрамовиќ и Мона Хатум. Изложбата на Хенри Мур, посветена на неговото студио и на малите била одржана во музејот од 15 октомври 2010 година до 27 февруари 2011.

Двете локации на музејот[уреди | уреди извор]

Хотелот Бирон, во кој денес се наоѓа Музејот Роден во Париз (поглед од градината)

Хотел Бирон, Париз[уреди | уреди извор]

Атеље во хотелот Бирон 1917

Првпат отворен за јавноста на 4 август 1919 година, Музејот Роден е сместен во зградата, порано наречена Хотел Пејренк де Морас, дизајниран со линии на класична архитектура и украсен со декорација. Зградата била изградена на улицата де Варен помеѓу 1727 и 1732. Од 1788, во хотелот престојувале серија на сопствениците и потстанари. Во 1820, Војвотката од Шарост го продала целиот имот на три калуѓерки кои припаѓале на една религиозна заедница, Здружението на Светото Срце на Исус. Тука бил отворен интернат за девојчиња а украсите постепено биле распродадени. Помеѓу 1820 и 1904 година, неколку згради биле изградени на имотот, особено Капелата, дизајнирана од страна на архитектот Жан Жист Густав Лиш и завршена во 1876 година.

Верското здружение било распуштено во 1904 година поради законските одредби кои се однесуваат на поделбата на црквата и државата кои го забранувале верското мешање во наставата. Сестрите биле протерани а имот бил ставен на продажба. Додека се чекало купувач, на потстанари им било дозволено да живеат во зградата и меѓу нив, имало неколкумина уметници: Жан Кокто, Анри Матис, Исидора Данкан, Рајнер Марија Рилке, чија идна сопруга Клара Вестхоф која живеела во хотелот, била првата која му кажала на Роден за недвижноста. Така, во 1908, скулпторот под кирија заземал четири соби кои ги користел како атеље. Од 1911 година, тој ја изнајмил целата зграда. Во 1911 година, кога француската држава се обврзала да го купи Хотелот Бирон, Роден официјално ја објавил својата намера да ги донира сите негови дела на државата, како и неговите цртежи и колекцијата на антиквитети доколку таа се обврзе да ги чува овие колекции во Хотел Бирон, кој подоцна ќе стане Музеј Роден. Во 1916 година, Собранието донело закон кој дозволил државата да ги прифати донациите и условите кои ги поставил Роден. Заведен како историски споменик во 1926 година, Хотелот Бирон бил реновиран и реставриран, за подобро да се тврди дека нивната улога како музеј. Поновата реставрација започнала во 2012 година а музејот повторнобил отворен на 12 ноември 2015 година, за 175 роденден на Огист Роден. Реновирањето чинело 16 милиони евра ($17.4 милиони долари).[4]

Внатрешна галерија во Медон
Музејот Роден во Медон

Музеј Роден во Медон[уреди | уреди извор]

На 19 декември 1895 година, Роден купил куќа во Луј XIII стил изградена на ридот на Meudon и наречена "Вилата на сјајните". Во 1900 година, 50 луѓе, вклучувајќи ги и помошниците на скулпторот, биле вработени таму од Огист Роден и иако тој продолжил да оди секој ден во неговите атељеа во Париз, местото наскоро станало главно место каде се собирале пријатели, почитувачи или познати личности од Франција или во странство. По смртта на Огист Роден, вилата и студиото, исто така, станала музеј, отворен три дена неделно. Посетителите можат да се откријат атмосфера на студиото и на местото каде што Роден сакал да живее и работи. Поставен во 1948 година, музејот, исто така, овозможува да се видат бројни гипсени трудови, и да се откријат различните чекори на креативниот процес.

Галерија на скулптури[уреди | уреди извор]

Види[уреди | уреди извор]

Користена литература:[уреди | уреди извор]

  • Chevillot, Catherine; Hélène Marraud, Hélène Pinet: Rodin: The Laboratory of Creation. Translation by John Adamson. Dijon: Éditions Faton (2014). 9782878442007

Наводи[уреди | уреди извор]

  1. „The musée Rodin | Rodin Museum“. www.musee-rodin.fr. конс. 2018-12-02. 
  2. 2,0 2,1 Rodin Museum | museum, Paris, France“, „Encyclopedia Britannica“. (на en)
  3. „Varenne Station - metro.paris“. metro.paris. конс. 2018-12-02. 
  4. The Associated Press. „Rodin Museum in Paris Reopens After 3-Year Facelift“, „New York Times“, 5 ноември 2015.

Надворешни врски[уреди | уреди извор]