Мокрински Извори

Мокрински Извори
Мокрински Извори
	Поглед на изворите
Место	Мокрино
Координати	41°22′43.5″N 22°52′9.4″E / 41.378750°N 22.869278°E
Надм. вис.	330 м.
Проток	40 л/с

Мокрински Извори — извори кои се наоѓаат во близина на селото Мокрино, Општина Ново Село, Македонија.

Изворите се сметаат за значајно геонаследство од сферата на хидрологијата во Македонија.^[1]

Местоположба

Се наоѓаат во подножјето на планината Беласица на надморска височина од 330 метри. Тие се сместени до самиот регионален пат 1402, со што се лесно достапни.

Историја

Во 2023 година, пристапот и просторот околу изворите бил уреден од страна на планскиот регион и општината,^[2] а во 2025 година била најавена пешачка патека помеѓу изворите и селото Колешино.

Обичаи и верувања

На ова место секоја година на 2 август се собираат жителите на Мокрино и сите околни села каде се дава курбан, во чест на изворите. Според легендата, годината кога не се дало курбан, изворите пресушиле, поради кое жителите веќе на 4 август повторно дале курбан по кое водата повторно протекла. Поради тоа, оттогаш наваму ниту една година не е пресконат датумот.

Од трите Мокрински Извори истекуваат 40 литри вода во секунда. Температурата на водата е секогаш иста, без оглед каква е надвор температурата. Потокот што потекува од изворот никогаш не замрзнал. Ова се должи веројатно на големата длабочина на изворот и силината на водата. Се смета дури дека тој е поврзан со Дојранско Езеро. Поради количеството и силината на овие води, во минатото околу овде имало многу воденици.