Луиса Собрал

Луиза Собрал
Луиза Собрал на Евровизија 2017 во Киев
Животописни податоци
Родено име	Луиза Вилар Браамкамп Собрал
Роден(а)	18 септември 1987(1987-09-18) Лисабон, Португалија
Жанрови	алтернативна соул поп џез
Занимања	Пејачка текстописец
Инструменти	Вокали гитара
Период на активност	2003–сега
Издавачи	Universal
Соработници	Салвадор Собрал

Луиза Вилар Браамкамп Собрал (родена на 18 септември 1987) е португалска пејачка и текстописец.

Таа дојде до израз во 2003 година, откако се пласираше на третото место во текот на првата сезона на Ídolos, португалската верзија на телевизиските серии „Идоли“. Откако отиде на пауза да присуствува на Берклискиот музички колеџ, таа го издаде својот деби-албум „Цреша на мојата торта“, во 2011 година. Подоцна го компонираше „Amar pelos dois“, кој победи на Евровизија за песна 2017 за Португалија и беше изведена од нејзиниот брат Салвадор Собрал.

Живот и кариера

Раниот живот и кариерата

Луиса Собрал е родена и израсната во Лисабон, а исто така живеела и во Соединетите Американски Држави одреден период како дете. Нејзиниот помлад брат е Салвадор Собрал, кој исто така е пејач. Преку нејзиниот татко, таа е поврзана со Хермено Хосе Брајамкамп де Алмеида Кастело Бранко, португалски благородник од 19 век и политичар со италијанско и холандско потекло.

Во 2003 година, на 16-годишна возраст, Собрал се пријавила на аудиција за една сезона на Ídolos, португалската верзија на Идоли. На крајот се пласираше на третото место на натпреварот. По Ídolos, Собрал одлучила да прекине со музиката со цел да се фокусира на своето образование. Таа се преселила во Соединетите Држави да студира музика на Берклискиот музички колеџ во Бостон, каде дипломирала во 2009 година. Влијанието на кое таа била изложена во Соединетите држави, ги направи нејзините композиции поизразени, со елементи од португалската, бразилската, француската и северноамериканската музичка традиција, како одраз на нејзините музички влијанија во нејзиниот класичен мек-говорен стил на пеење.