Лиз Чикаје
Лиз Чикаје Чурај (родена 1982 година) е домороден перуански лидер коај придонела значително за заштита на дождовните шуми и реките во областа Лорето во североисточниот дел на Перу, заштитувајќи ги правата на народот Јагуа. Благодарение на нејзините напори, Националниот парк Јагуас бил основан во 2018 година. Во јануари 2019 година во Лима ѝ била доделена француско-германската награда за човекови права од страна на францускиот и германскиот амбасадор.[1] [2]
Биографија[уреди | уреди извор]
Лиз Чикаје е родена во 1982 година во домородната заедница Борас де Пукауркило во областа Пебас во регионот Лорето во Перу. Таа му припаѓа на кланот Њут (врапче јастреб). Кога била мала, израснала во шума каде научила да ја цени важноста на природата и дивите животни. Како што таа растела, домородните заедници што живееле во областа биле сè позагрозени од нелегална сеча и ископување рудници. Откако решила да ја преземе задачата да се бори за благосостојбата на овие заедници, таа ги развила своите лидерски способности и во 2013 година се обидела да стане градоначалник на областа Пебас. Иако не победила, таа повеќе се запознала со проблемите на луѓето во областа.[3] [4]
Благодарение на нејзината работа, во 2014 година таа била избрана за претседател на ФЕКОНА, федерација на домородните заедници на Ампијаку, обезбедувајќи можност за соработка со други домородни федерации во областа.[3] Таа работела на зачувување на областа опкружена со реките Напо, Путумајо и Амазон, соседни Колумбија и Бразил. Како член на Комитетот за категоризација на резервираната зона Јагуас, таа работела на развојот на Националниот парк Јагуас во кој би можеле да се интегрираат и да се заштитат домородните заедници.[5]
Во 2017 година, Министерството за животна средина на Перу ја поканиле да учествува во работата на COP 23. Таа ги претставила своите предлози за националниот парк Јагуас на Конференцијата на Обединетите нации за климатски промени во Бон, Германија.[5]
Благодарение на нејзините напори, Националниот парк Јагуас бил основан во 2018 година. Во јануари 2019 година во Лима ѝ била доделена француско-германската награда за човекови права од страна на францускиот и германскиот амбасадор.[1]
На Чикаје ѝ била доделена наградата Голдман за животна средина во 2021 година.[6] [7]
Наводи[уреди | уреди извор]
- ↑ 1,0 1,1 „Human Rights Award for Rainforest Activist“. Frankfurt Zoological Society. 22 January 2019. Архивирано од изворникот на 2019-05-15. Посетено на 15 May 2019.
- ↑ „La péruvienne Liz Chicaje Churay parmi les lauréates du prix franco-allemand des Droits de l'Homme et de l'Etat de Droit“ (French). Ambassade de France à Lima. 22 January 2019. Посетено на 15 May 2019.CS1-одржување: непрепознаен јазик (link)
- ↑ 3,0 3,1 „Conoce a Liz Chicaje, la lideresa defensora de los derechos indígenas y del ambiente“ (Spanish). Andina. 24 January 2019. Посетено на 16 May 2019.CS1-одржување: непрепознаен јазик (link)
- ↑ Sierra Praeli, Yvette (30 January 2019). „Liz Chicaje: una lideresa indígena peruana que se enfrentó a la ilegalidad“ (Spanish). Mongabay. Посетено на 30 January 2019.CS1-одржување: непрепознаен јазик (link)
- ↑ 5,0 5,1 „Liz Chicaje Churay from Peru is awarded the Franco-German Prize for Human Rights 2018“. Frankfurt Zoological Society. Архивирано од изворникот на 2020-06-01. Посетено на 16 May 2019.
- ↑ „Introducing the 2021 Goldman Environmental Prize Winners“. Goldman Environmental Prize. June 15, 2021. Посетено на June 15, 2021.
- ↑ Buschschlüter, Vanessa (15 June 2021). „Liz Chicaje: Activist whose fight created a national park“. BBC News. Посетено на 15 June 2021.