Константин Белимаче

Константин Т. Белимаче
Роден	1844 Маловиште, Румелиски Пашалак, Османлиско Царство
Починал	1934 Битола, Вардарска Бановина, Кралство Југославија
Народност	Влав
Познат	поет и политички активист

Константин Т. Белимаче (романски: Constantin T. Belimace романски: Constаntin T. Bеlimаcе) ― југословенски поет и политички активист од влашка народност.

Животопис

Белимаче е роден во 1844 година во влашко семејство во големото влашко село Маловиште, тогаш дел од Османлиското Царство, а денес во Република Македонија. Тој припаѓал на фрашеротскиот род Белемаче. Завршил основно образование во родното село, а потоа продолжил да учи во српско училиште во Белград. Отворил меана во Букурешт, која што станала средиште на романските социјалисти. Во 1893 година се вратил во Македонија, за да се вклучи во борбата против османлиската власт. Работел во влашкото училиште во Битола. Соработувал на изданијата „Лумина“, „Братство за правда“, „Пенинсула Балканика“, „Алманахул Мачедорумин“ и други. Во 1914 година, тој се вратил во Романија. Во 1916 година, откако Романија влегла во Првата светска војна, Белимаче бил заробен од бугарската војска и поминал две години како воен заробеник. Посветувал стихови на тој период. Во 1918 година, тој се вратил во Битола, која била веќе во рамките на Кралството СХС, каде што романските училишта биле затворани. Умрел во 1934 година.