Конзумирање на кафе и чај и намалување на ризик од мозочен удар и деменција

Пиењето 2-3 филџани кафе дневно заедно со 2-3 филџани зелен чај го намалува ризикот од мозочен удар и деменција

Пиењето 2 до 3 филџани зелен чај и 2 до 3 филџани кафе дневно влијае со 30% помала инциденца на мозочен удар и 28% помал ризик од деменција во споредба со оние кои не го прават тоа.

Конзумирањето на кафе и чај и намалувањето на ризикот од мозочен удар и деменција е утврдено по голема популациска студија поврзана со фактот дека распространета потрошувачка на овие пијалаци која е застапена ширум светот го намалила бројот на мозочни удари и инциденцата на деменција. Имено, според најново истражување, утврдено е дека пиењето кафе во комбинација со чај е поврзано со помал ризик од деменција после мозочен удар отколку пиење само кафе или само чај. Бидејќи истражувањата откриле дека луѓето кои пијат 2 до 3 шолји кафе и 2 до 3 шолји чај дневно имале 30% помала инциденца на мозочен удар и 28% помал ризик од деменција во споредба со оние кои што не пиеле.

Иако досегашните наоди ја поддржуваат поврзаноста помеѓу умерено консумирање на кафе и чај и ризикот од мозочен удар и деменција, останува да се утврди со поголем број студии со многу поголема доверба за тоа дали комбинираното консумирање на овие пијалаци може да ги подобри исходите од мозочен удар и деменција, како што е објавено во прелиминарните истражувања.

Општи информации

Кафе содржи кофеин и е богат извор на антиоксиданси и други биоактивни соединенија. Додека чајот содржи кофеин, катехински полифеноли и флавоноидите имаат невропротективна улога, како што се антиоксидативен стрес, антиинфламаторно дејство, инхибицијата на амилоид-бета агрегација и антиапоптотички ефект. Консумирањето кафе е тесно поврзано и со консумирањето чај. Проспективната кохортна студија објави дека приближно 70% од учесниците консумирале и кафе и чај. Кафето и чајот се различни пијалаци, но со компоненти кои се преклопуваат, како што се кофеинот, теофилин и различни биолошки активни состојки, вклучително и епигалокатехин галат и хлорогена киселина. Се чини дека овие состојки споделуваат заеднички механизми - реактивни видови на кислород, а од друга страна, различните состојки имаат и различни целни молекули и затоа со различни биолошки ефекти.

Покрај тоа, генетските полиморфизми во ензимите вклучени во и навлегување, метаболизам и излачувањето на компонентите на чај и кафе се исто така поврзани со различните биолошки активности на овие два напитоци.

Покрај тоа, студиите ја откриле и интеракцијата помеѓу зелениот чај и кафето врз основа на здравствените резултати кај јапонската популација. Студијата на Јапонскиот центар за јавно здравје објавила дека постои мултипликативна интеракција помеѓу зелениот чај и кафето што е поврзано и со помал ризик од интрацеребрална хеморагија. Проспективната студија покажала дека се чини дека постои адитивна интеракција помеѓу зелениот чај и кафето врз морталитетот кај јапонските пациенти со дијабетес тип 2.

Епидемиолошки и клинички студии ги покажаа придобивките од кафето и чајот одделно во спречувањето на деменција. Сепак, малку е познато за поврзаноста помеѓу комбинација на кафе и чај и ризикот од деменција, и да ли тоа може да биде мултипликативна или адитивна интеракција за да се намали ризик од мозочен удар и деменција.

Деменција

Деменцијата се карактеризира со прогресивно и немилосрдно влошување на ментални способности што неизбежно го загрозува самостојниот живот. Алцхајмеровата болест и васкуларна деменција се два главни подтипови на деменција. Деменцијата е повеќе клинички симптом отколку специфична болест и може да биде предизвикана од:

• церебрална дегенерација,
• цереброваскуларни заболувања,
• трауматски повреди на мозокот,
• тумори на мозок,
• интракранијални инфекции,
• метаболички болести и
• отрови.

Со трендот на стареењето на населението, деменцијата стана сè поголем глобален здравствен проблем и донела тежок економски и социјален товар. На глобално ниво, над 50 милиони лица имале деменција во 2019 година. Овој број се очекува да се зголеми на 152 милиони до 2050 година. Со оглед на ограничената терапевтска вредност на лековите кои моментално се користат за лекување на деменција, идентификација на факторите на ризик за деменција што може да се спречат е од висок приоритет, вклучувајќи и истражувања поврзани со наизменичното користење на кафе и чај.

Мозочен удар

Мозочен удар, кој сочинува 10% од сите смртни случаи ширум по светот, е водечка причина за инвалидитет на сите возрасти. Иако инциденцата и смртноста од мозочниот удар, стандардизирана според возраста, се намалила на глобално ниво во последните две децении од 21-от век, апсолутниот број на случаи на мозочен удар и смртни случаи се зголемил.