Книжевен историчар

Од Википедија — слободната енциклопедија
Прејди на прегледникот Прејди на пребарувањето

Книжевен историчар е академски образуван научник кој што се занимава со проучување на книжевната историја, односно на историја на книжевноста.[1]

Според тоа, предмет на неговите проучувања можат да бидат различни подрачја: историја на национална литература, споредбена (компаративна) литература и општа (светска) историја на литературата.

Во светски рамки, книжевните историчари можат да се занимаваат со пручување на асиро-вавилонската, индиската, египетската, кинеската, римската, старословенската, англиската, француската, американската и други литератури.

Македонските книжевни историчари се посветени на проучување на средновековната македонска книжевност, македонската книжевност во XIX век, македонската книжевност меѓу двете светски војни и македонската книжевност по Втората светска војна.[2]

Меѓу најпознатите македонски книжевни историчари спаѓаат: Харалампие Поленаковиќ, Блаже Конески, Гане Тодоровски, Васил Тоциновски, Блаже Ристовски и други.

Наводи[уреди | уреди извор]

  1. Група автори (2006). Македонски јазик и литература. Скопје: Просветно дело. стр. 122. 
  2. Ristovski, Blaže. Periodizacija na makedonskiot literaturno-kulturen razvoj.. Skopje: Macedonian Academy of Sciences and Arts.