Киро Трајковски
| Киро Трајковски | ||
| ||
| Роден | 1924 година Булачани, Скопје, Македонија под окупација на Кралство СХС | |
|---|---|---|
| Починал | 11 ноември, 1944 година Во близина на Булачани, Скопје, Македонија | |
Киро Тодоров Трајковски ( 1924 во Булачани, Скопско — 11 ноември 1944 во Булачани, Скопско) — македонски партизан, борец за слобода на Македонија и учесник во НОВ.
Животопис[уреди | уреди извор]
Потекнувал од сиромашно семејство. Завршил основно училиште, а потоа се занимавал со земјоделство и сточарство. Во септември 1944 година стапил во редовите на Шеснаесеттата македонска ударна бригада, со која учествувал во борбите против вооружените балистички банди и против германските моторизирани колони во Качаничката Клисура. Бригадата долго време успеала да ја сочува слободната територија на Скопска Црна Гора од нападите на балистичките банди, кои настојувале да ги ограбуваат селата. На 11 ноември 1944 година, само два дена пред ослободувањето на главниот град на Македонија, храбро загинал во една борба, во непосредна близина на неговото село. Неговите останки биле закопани на гробиштата во Булачани.[1]