Институт за старословенска култура

Институт за старословенска култура

Вид	Јавната научна установа
Основан	15 јули 1979
Директор	д-р Александар Василески
Место	Прилеп, Македонија
Мреж. место	isk.edu.mk

Институт за старословенска култура — јавна научна установа, придружна членка на универзитетот „Св. Климент Охридски“, единствена од ваков тип во Македонија.

Историја

Институтот за старословенска култура е формиран на 15 јули 1979 година во Прилеп, а својата работа ја започнал 1 јули 1980 година. Со својата научноистражувачка дејност од областа на општествените и хуманистичките науки, институтот, уште во самиот почеток, станал познат научен центар за мултидисциплинарно проучување на културната историја на македонскиот народ во контекст на целокупното словенско културно-историско милје. Во неговото досегашно постоење Институтот успеал да обезбеди претставителна систематизирана граѓа од истражувањата на планот на археологијата, историјата на уметност, историјата, лингвистиката, како и етнологијата.

Организационата структура опфаќа

• Сектор за научноистражувачка работа којшто во својот состав ги има следниве одделенија:
• Одделение за археологија,
• Одделение за историја на уметноста,
• Одделение за историја,
• Одделение за етнологија и етногенеза,
• Одделение за помошни историски науки (дипломатика, палеографија), како и:
• Сектор за документација и информатика и
• Сектор за општи, правни, административно-технички и сметководствено-финансиски работи.

Директор на институтот е д-р Александар Василески (сос. 2022).