Загрепска искачница

Од Википедија — слободната енциклопедија
Прејди на прегледникот Прејди на пребарувањето
Поглед на кабините на искачницата
Поглед на искачницата од улицата „Томиќ“

Загрепска искачница (хрватски: Zagrebačka uspinjača) — искачница во градот Загреб управувана од Загрепски електричен трамвај (ЗЕТ), сместена на улицата Томиќ, поврзувајќи ги улиците Илица (Долен град) со Штросмајеровото шеталиште на север (Горен град).

Нејзината пруга изнесува 66 метри и со тоа е една од најкратките искачници во светот.[1] Искачницата била изградена во 1890 година и била во употреба од 23 април 1893 година. Првично имала парни мотори, кои биле заменети со електрични во 1934 година.[2] Со цел да се зачува нејзиниот првобитен изглед, градбата и повеќето технички делови, добила правна заштита со прогласувањето на споменик на културата.[1]

Технички карактеристики[уреди | уреди извор]

Има две кабини со по 28 патници секоја (16 седишта и 12 места за стоење). Кабините се долги 5,640 метри и тежат 5,05 тони, кога се празни. Секоја кабина пренесува до 2.240 килограми. Електричниот мотор е во северната (горна) станица. Има трафостаница од 28,5 киловати, работи на 400 волти еднонасочна струја, со 720 вртежи во минута. Искачницата се движи по пруга од 1200 мм, а нејзината должина е само 66 метри, додека висинската разлика изнесува 30,5 метри, што значи наклон од 52%. Ова ја прави една од најкратките, а истовремено и една од најстрмните искачници во светот. Вози со 1,5 м/с и му треба 55 секунди да го помине растојанието.[3]

Наводи[уреди | уреди извор]

  1. 1,0 1,1 "Искачница". ZET. Посетено на 19 мај 2009.
  2. "Загрепска искачница:Вчера". Funimag. Посетено на 19 мај 2009.
  3. "Zagreb Funicular:Technical". Funimag. Посетено на 19 мај 2009.

Надворешни врски[уреди | уреди извор]

Координати: 45°48′51″N 15°58′24″E / 45.81417° N; 15.97333° E / 45.81417; 15.97333