Дељадровски манастир

Дељадровски манастир

Информации
Манастир на:	МПЦ - ОА
Основан	XX век
Епархија	Дељадровско-илинденска
Цркви	„Св. Ѓорѓи“ и „Рождество на Пресвета Богородица“ „Св. Архангели Михаил и Гаврил“ „Св. Петка и Св. Недела“ „Св. Злата Мегленска“
Личности
Важни личности	Игуменија Зиновија
Место
Место	Дељадровци, Општина Илинден, Македонија
Координати	42°1′28″N 21°40′36″E
Видливи остатоци	5 цркви, конак, гробови, помошни објекти
Отворен за јавноста	да

Дељадровски манастир „Свети Ѓорѓи“ — манастирски комплекс недалеку од скопското село Дељадровци, веднаш покрај автопатот Скопје - Куманово спроти рафиниеријата „Окта“. На 6 мај 2008 г. целиот комплекс е целосно преосветен од страна на тогашниот митрополит Полошко-кумановски г. Кирил., кој исто така почива во овој комплекс. Денес манастирскиот комплекс претставува прекрасно уредено место со можности за комплетен престој во кој се нуди преноќиште и традиционални јадења. Во 2023 г. манастирот станал седиште на нововодедената Дељадровско-илинденска епархија на МПЦ - ОА.

Цркви

Во манастирскиот комплекс постојат 5 цркви:

Св. Ѓорѓи

Главна статија: Црква „Св.Ѓорѓи“ - Дељадровци

Црквата Свети Ѓорѓи е главната манастирска црква. Изградена е во 1921 година, а осветена во 1934 година.

Раѓање на Пресвета Богородица

Главна статија: Црква „Рождество на Пресвета Богородица“ - Дељадровци

Црквата посветена на Рождението Богородично е мала градба со исцелителен крст. Поради верувањето за исцелителноста ова црквиче е доста посетено.

Св. Архангели Михаил и Гаврил

Главна статија: Црква „Св. Архангели Михаил и Гаврил“ - Дељадровци

Црквичката посветена на Светите Архангели Михаил и Гаврил е понова градба. На тоа место во минатото имало само крст како закрилник на селото. Ктитор на ова црквиче е Игуменијата Зиновија од манастирот.

Св. Петка и Св. Недела

Главна статија: Црква „Св. Петка и Св. Недела“ - Дељадровци

Црквата посветена на светителките Петка Трновска и Света Недела е исто така една од поновите црквички во манастирот. На ова место претходно имало крст.

Св. Злата Мегленска

Главна статија: Црква „Св. Злата Мегленска“ - Дељадровци

Црквата посветена на македонската светителка е најновата црква во манастирскиот комплекс. Била осветена на 29 јули 2012 година од поглаварот на МПЦ - ОА г.г. Стефан и митрополитот полошко-кумановски г. Кирил.