Општина Трговиште (Србија)

Трговиште
Трговиште
	општина
	Грб
	Грб
	ТрговиштеМестоположба на Трговиште во Србија
	Координати: 42°21′31″N 22°04′34″E / 42.35861° СГШ; 22.07611° ИГД
Држава	Србија
Регион	Јужна и Источна Србија
Округ	Пчињски Округ
Седиште	Трговиште
Управа
• Градоначалник	Радосав Јордановиќ (ОРС)
Површина
• Вкупна	370 км2 (140 ми2)
Надм. вис.	877 м
Население (2011)
• Вкупно	5,091
• Густина	0,014/км2 (0,036/ми2)
Часовен појас	UTC+1
• Лете (ЛСВ)	UTC+2 (UTC)
Поштенски број	17525
Повикувачки број	+381(0)17
Рег. таб.	VR
Мреж. место	trgoviste.rs

Оваа статија е за Општина Трговиште во Србија. За останати места со називот Трговиште, видете Трговиште (појаснување)

Општина Трговиште е општина на крајниот југ на Србија во Пчињскиот Округ. Седиштето на општината е во селото Трговиште. Според пописот од 2002 година, селото има 1.864 жители, а општината 6.372 жители. Во општината има 35 населени места. Според пописот од 2011 година, општината има 5.091 жител.

Географија[уреди | уреди извор]

Во традиционален поглед, територијата на општината приближно се совпаѓа со традиционалната област Горна Пчиња и била дел од северниот дел на поширока Македонија. Општината се граничи со општините Босилеград, Врање, Бујановац и соседната држава Македонија во должина од 47 км.

Надморската височина се движи од 805 метри (во Трговиште), до 1.825 метри на Големи Врх (планината Бела Вода). Земјата има планински карактер и се состои од планини: Бела Вода, Зладовачка Планина, Лесничка Планина, Копљача и Петрова Гора. Реки во Општината Трговиште се: Трипужница, Козједолска, Лесничка Река и Пчиња.

Населени места[уреди | уреди извор]

Освен градот Трговиште, општината ги вклучува следниве населени места (традиционалните македонски имиња на местата стојат во загради онаму кајшто се разликуваат од српските):^[1]

Бабина Полјана (Бабина Пољана)
Барбаце (Барбарци)
Владовце (Владовци)
Голочевац (Голочевци)
Горновац (Горновец)
Горна Трница
Горни Козји Дол
Горни Стајевац (Горно Стајовци)
Дејанце (Дејани/Дејанци)
Долна Трница
Долни Козји Дол
Долни Стајевац (Долно Стајовци)
Думбија
Ѓерекарце (Геракарци)
Зладовце (Зладовци)
Калово
Лесница
Мала Река
Марганце (Марганци)
Мездраја
Нови Глог
Ново Село
Петровац (Недокрстеник)
Пролесје
Радовница
Рајчевце (Рајчевци)
Сурлица
Црвени Град (Црвен Град)
Црна Река
Црновце (Црновци)
Шаинце (Шаинци)
Шапранце (Шапранци)
Широка Планина
Шумата Трница

Население[уреди | уреди извор]

Како дел од традиционална Македонија, селата во оваа општина во минатото биле претежно македонски. Дел од населението се иселило понајуг, во денешниот Североисточен Регион на Р Македонија. По Втората светска војна, бројот на жители на општината бил над 15.000, но оттогаш трае процесот на економско селење на населението во поразвиените области. Денес во општината живеат нешто повеќе од 5.000 луѓе.

Население во минатото
Година	Нас.	±% год.
1948	15.368	—
1953	15.578	+0.27%
1961	14.404	−0.97%
1971	12.556	−1.36%
1981	8.923	−3.36%
1991	7.146	−2.20%
2002	6.372	−1.04%
2011	5.091	−2.46%
Извор: ^[2]

Етничкиот состав на општината:

Народност	Население	Удел (%)
Срби	4.977	97,76
Роми	29	0,57
Македонци	27	0,53
Бугари	14	0,27
останати	44	0,86
Вкупно	5.091

Економија[уреди | уреди извор]

Општина Трговиште е најмалку развиена во Република Србија. Општината е далеку од главните железнички патишта, а независноста на Република Македонија и создавањето на физичка државна граница имало особено неповолно влијание на оваа област. Во средината на 1980-тите биле изградени погоните на „Симпо“ (160 работници), „Јумко“ (400 работници) и „Коштана“ (400 работници). Од нив до денес опстанал само погонот на „Симпо“.